पूर्वप्रधानमन्त्री झलनाथ खनाल कोरोना संक्रमणमुक्त

काठमाडौं- कोरोना भाइरस संक्रमित नेकपा (एमाले)का वरिष्ठ नेता एवम् पूर्वप्रधानमन्त्री झलनाथ खनाल निको भएका छन्।  नर्भिक इन्टरनेशल अस्पतालमा उपचाररत उनी आइतवार साँझ संक्रमण मुक्त भएका हुन् ।

संक्रमणमुक्त भए पनि केही दिन चिकित्सकको सल्लाहमा नेता खनाल अस्पतालमै रहने खनालका स्वकीय सचिव कृष्ण भट्टराईले जानकारी दिए।  खनाल वैशाख १८ गते अस्पतालमा भर्ना भएका थिए।