सुदूरपश्चिममा कोरोनाका कारण ८ दिनमा ४३ जनाको मृत्यु

धनगढी-टेकसिंह धामी । सुदूरपश्चिममा कोरोना भाइरसका कारण ८ दिनमा ४३ जनाको ज्यान गएको छ।

गत शनिवारदेखि यो शनिवारसम्म ४३ जनाले ज्यान गुमाएको सुदूरपश्चिम स्वास्थ्य निर्देशनालय दिपायलले जनाएको छ।

ज्यान गुमाउनेमा सबैभन्दा बढी कैलाली र कञ्चनपुरका रहेका छन्। निर्देशनालयका अनुसार कैलाली र कञ्चनपुरमा ८ दिनको अवधिमा १८-१८ जनाको ज्यान गएको छ। डडेल्धुरा र अछामका २र२ जनाको ज्यान गएको छ भने बैतडी, बझाङ र दार्चुलाका १-१ जना संक्रमितले ज्यान गुमाएका छन्।

हालसम्म प्रदेशभर कोरोना संक्रमणबाट ८४ जनाको ज्यान गइसकेको स्वास्थ्य निर्देशनालयले जनाएको छ। ज्यान गएका धेरैजसोमा कडा खालको निमोनिया रहेको पाइएको छ।