६ आश्विन २०७८, बुधबार

सबैको ध्यान कांग्रेसतिर ! केन्द्रीय कार्य समिति बैठक सुरु

२०७४,आश्विन,२०,शुक्रवार ०७:१०


सत्तारुढ नेपाली काँग्रेस केन्द्रिय कार्य समितिको बैठक सूरु भएको छ ।मुलुकको पछिल्लो राजनीतिक परिस्थितिबारे छलफल गर्न बैठक बोलाइएको हो । प्रधानमन्त्री निवास बालुवाटारमा शुक्रवार विहानबाट सुरु भएको बैठकमा संविधान पक्षधर लोकतान्त्रिक शक्तिहरुबीच सहकार्य गरी प्रदेश सभा र प्रतिनिधि सभा निर्वाचनमा जाने विषयमा केन्द्रित भएर छलफल भईरहेको नेता दिलेन्द्रप्रसाद बडुले जानकारी दिनु भयो । बैठकले दुवै तहको निर्वाचनका लागि उम्मेदवार तय गर्ने मापदण्ड पनि बनाउनेछ । नेता बडुले जनतासँग लोकप्रिय नेताहरुलाई प्रत्यक्षतर्फको निर्वाचनमा उम्मेदवारी दिने तयारी भईरहेको पनि बताउनु भयो ।बैठकमा प्रधानमन्त्री एवम् पार्टी सभापति शेरबहादुर देउवाले माओवादी केन्द्रले एमाले र नयाँ शक्ति पार्टी नेपालसँग सहकार्य गरेपछि आफूले लोकतान्त्रिक पक्षधर शक्तिहरुसँग सहकार्य गरेर निर्वाचनमा जाने तयारीलाई अघि बढाएको जानकारी दिनु भएको थियो । आगामी मंसीर १० र २१ गते २ चरणमा गरी प्रदेश सभा र प्रतिनिधि सभा निर्वाचन हुँदैछ । निर्वाचनमा दुई तिहाई बहुमत ल्याउने उद्देश्यका साथ एमाले, माओवादी केन्द्र र नयाँ शक्ति पार्टी, नेपालले चुनावी तालमेल र पार्टी एकीकरण गर्ने सहमति गरेपछि सत्तारुढ नेपाली काँग्रेसले पनि लोकतान्त्रिक पक्षधर ६ वटा राजनीतिक दलहरुसँग गठबन्धन गरेर निर्वाचनमा जाने तयारी गरेको हो ।

प्रकाशित मिति: २०७४,आश्विन,२०,शुक्रवार ०७:१०

प्रतिक्रिया दिनुहोस !
सम्बन्धित खबरहरु

काठमाडौं । प्रधानमन्त्री शेरबहादुर देउवाले परराष्ट्रमन्त्रीमा डा. नारायण खड्कालाई नियुक्त गरेसँगै नेपाली कांग्रेसभित्रै असन्तुष्टी देखिएको छ । सोही विषयमा छलफल

काठमाडौं । नेकपा माओवादी केन्द्रले आज बस्ने गरी स्थायी कमिटी बैठक बोलाएको छ । बैठक बुधबार दिउँसो ३ बजे पार्टी

काठमाडौं । प्रधानमन्त्री शेरबहादुर देउवाले परराष्ट्रमन्त्रीमा कांग्रेस नेता डा. नारायण खड्कालाई नियुक्त गरेका छन् । बुधबार खड्का परराष्ट्रमन्त्री भएको पत्र

काठमाडौं । प्रधानमन्त्री तथा नेपाली कांग्रेसका सभापति शेरबहादुर देउवाले पार्टीको पदाधिकारी बैठक बोलाएका छन् । बैठक बुधवार दिउँसो ३ बजे

ताजा समाचार