२०७८,श्रावण,१३,बुधबार

कोभिड महामारीमा शरीरको अक्सिजन लेभल यसरी बढाउनुहोस्

२०७८,बैशाख,१५,बुधबार १८:२९


कोभिड १९ को दोस्रो भेरिएन्ट आम मानिसमा देखापर्न थालेपछि अहिले सर्बत्र संत्रासको वातावरण देखिएको छ । पछिल्लो पटक देखिएको संक्रमण केही कडा किसिमको रहेको र यसले श्वासप्रश्वास प्रणालीमा असर गरेर मानिसको ज्यान लिने गरेको घटना देखिएको छ ।

कोभिड १९ लाई उपचार गरेर भन्दा पनि सामाजिक दुरी कायम गरेर नियन्त्रणमा राख्न सकिने जनस्वास्थविद्को सल्लाह अनुसार सरकारले बैशाख १६ गते देखि लकडाउनको घोषणा गरिसकेको छ । लकडाउनले कोभिड १९ को संक्रमणमा कमी ल्याएपनि नियन्त्रण गर्न नसक्ने हुनाले आफ्नो सुरक्षा आफैंले गर्नुपर्ने अवस्था देखिएको छ ।

आफुलाई कोरोना संक्रमण भएमा वा कोरोना संक्रमण हुने सम्भावना बढी हुने देखेमा योगमा रहेका केही श्वासप्रश्वासका आसनहरु सहयोगी सिद्ध हुने देखिन्छ । योगमा रहेका प्राणायामका केही आसनहरुलाई नियमित रुपमा गर्दा शरीरमा अक्सिजनको स्तर घट्ने सम्भावना निकै कम रहने योग ऋषी बाबा रामदेवले बताए । बाबा रामदेवले कोभिड १९ वाट बच्न सुझाएका केही योग आसनहरु यसप्रकार रहेको छ ।

अनुलोम–बिलोमः

प्राणायामको एक आसनको रुपमा रहेको अनुलोम–बिलोम नियमित गर्ने ब्यक्तिको शरीरमा अक्सिजनको स्तर ९५–१०० सम्म रहन्छ । यदी कसैलाई शरीरमा अक्सिजनको स्तरमा कमी आयो र तत्काल अस्पताल पु¥याउन सकिएन भने केही समय अनुलोम–बिलोम गराउदाँ उसको शरीरमा अक्सिजनको स्तर बढ्ने गर्छ ।

कसरी गर्ने अनुलोम–बिलोम

पलेटी मारेर कुनै पनि आसन (सुखासन वा पद्मासन) मा बस्ने । दाहिने हातको चोरी औंलालाई बुढी औंलाको फेद छुवाउने, दाँया हातको बुढी औंलाले नाकको प्वाललाई बन्द गरेर देब्रे नाकको प्वालवाट बिस्तारै लामो समय लगाएर श्वास लिने । यसरी श्वास लिएपछि केही सेकेण्ड रोकिने । माईली औंलाले श्वास लिएको नाकको प्वाललाई बन्द गर्ने । बुढी औंलाले बन्द गरेको नाकको प्वाललाई छोड्ने र श्वासलाई बिस्तारै बाहिर फ्याक्ने । फोक्सोमा रहेको सबै हावालाई बाहिर फ्याकेपछि सोही प्वालवाट फेरी बिस्तारै श्वासलाई तान्ने र देब्रे नाकवाट बाहिर फ्याक्ने ।
यो क्रियालाई विहान ब्रम्हमुर्हतको समय (सूर्योदय हुनु भन्दा अगाडी) बिस्तारै ५–१० मिनेट नियमित बिस्तारै गर्ने ।

भस्त्रिका प्राणायाम

शरीरमा अक्सिजनको स्तरमा कमी आएमा भस्त्रिका प्राणायामको सहायताले पनि शरीरको अक्सिजन स्तरलाई बढाउन सकिन्छ ।

यो प्राणायाम पनि सुखासन वा पद्मासनमा बसेर बिस्तारै दुबै नाकवाट लामो समय लगाएर श्वासलाई फोक्सो भरिन्जेल हावा लिने र सोही गतीमा नाकवाट श्वासलाई बाहिर फ्याक्ने गर्नुपर्छ ।
शरीरमा अक्सिजन लेभललाई बढाउन कपालभाती प्राणायाम पनि सहयोगी हुन्छ । प्राणायामको यो आसन सुखासन वा पद्मासनमा बसेर नाभीको भागलाई भित्र पठाउदैं श्वासलाई बाहिर फ्याक्ने गर्नुपर्छ । श्वासप्रश्वासको गतिलाई तिब्र गर्नु भन्दा मन्द गर्दै समयलाई बढाउदै लैजानु राम्रो हुन्छ ।

फोक्सोलाई स्वस्थ बनाउने उपाय

कोभिड–१९ को प्रभाव फोक्सोमा पर्ने हुनाले फोक्सोलाई स्वस्थ बनाउनु नै सबैभन्दा राम्रो उपाय देखिएको छ । यसका लागि नियमित तातो पानीको वाफ लिदाँ फोक्सोले राम्ररी अक्सिजन लिन सक्छ । यदी तातोपानीको वाफ लिने हो भने उक्त पानीमा समान मात्रामा कपूर, ज्वानो, ल्वाङको तेल, पेपरमिन्टको तेल हालेर वाफ लिने गरेमा फोक्सो स्वस्थ हुन्छ ।

प्रकाशित मिति: २०७८,बैशाख,१५,बुधबार १८:२९

प्रतिक्रिया दिनुहोस !
सम्बन्धित खबरहरु

स्वस्थ हुने चाहना सबैको हुन्छ । तर कसरी स्वस्थ हुने भन्ने विषयमा द्विविधा भएको कारण आम मानिसहरू चाहेर पनि स्वस्थ

स्वस्थ जीवनशैली अपनाउँदा अपनाउँदै पनि कहिले काहीँ हामीलाई विभिन्न किसिमका रोगहरूको सङ्क्रमण हुन सक्छ । कतिपय रोगहरू चिकित्सक कहाँ गएर

वर्षा महिनामा मौसम ओसिलो हुन्छ, जसको कारण धेरैको घरमा राखेको चामल र गेडागुडीमा किरा पर्ने गरेको होला रु यस्तो अवस्थामा

चिकित्सा विज्ञान राष्ट्रिय प्रतिष्ठान (न्याम्स) का एशोसियट प्रोफेसर एवं वीर अस्पतालका वरिष्ठ जनरल फिजिसियन डा. ध्रुव गैरेलाई बिमारीहरूको उपचार गर्दा

ताजा समाचार

सप्तरीमा भाइरल ज्वरोका बिरामी बढे
 २०७८,श्रावण,१३,बुधबार २२:५८
लागुऔषधसहित एक युवक पक्राउ
 २०७८,श्रावण,१३,बुधबार २२:४९
महोत्तरीमा करेन्ट लागेर एक जनाको मृत्यु
 २०७८,श्रावण,१३,बुधबार २१:४३
जसपा सरकारमा जान केही दिन लाग्ने
 २०७८,श्रावण,१३,बुधबार २०:४४