१० मङ्सिर २०७९, शनिवार

काभ्रेपलाञ्चोकमा चुनावी सरगर्मी बढ्दै

२०७४,आश्विन,२०,शुक्रवार ०६:२५

9
Shares

बनेपा, २० असोज ।काभ्रेपलाञ्चोकमा प्रतिनिधिसभा र प्रदेशसभाको निर्वाचनका लागि चुनावी सरगर्मी बढेको छ ।जिल्लामा क्रियाशील प्रमुख राजनीतिक दलसहित अन्य दल चुनावको सम्भावित परिणामका लागि छलफल र बैठकमा व्यस्त छन् ।नेपाली काँग्रेसले प्रतिनिधिसभाको निर्वाचन र प्रदेशसभाको निर्वाचनका लागि उम्मेदवारको नाम सिफारिस गरिसकेको छ भने नेकपा (एमाले) र नेकपा (माओवादी केन्द्र)ले दुवै निर्वाचनका लागि आन्तरिक बैठक जारी रहेको जनाएको छ ।नेपाली काँग्रेसका उपाध्यक्ष अच्युत पौडेलले प्रतिनिधिसभाका लागि क्षेत्र नं १ बाट तीर्थ लामाको नाम सर्वसम्मत सिफारिस भएको बताए ।त्यस्तै क्षेत्र नं २ बाट नेपाली काँग्रेसका सभापति मधुप्रसाद आचार्य, सांसद कञ्चनचन्द्र वादे, प्रचण्डमान प्रधान र डा राम थपलियाको नाम सिफारिस भएको छ । प्रतिनिधिसभाका लागि जिल्लामा दुई निर्वाचन क्षेत्र छन् ।त्यस्तै प्रदेशसभाका लागि जिल्लाको क्षेत्र नं १ बाट सिवी लामा र दिनेश लामाको नाम सिफारिस भएको छ ।क्षेत्र नं २ बाट इन्द्रमणि अधिकारी, तीर्थबहादुर पचखल, मधुकर खनाललगायतको नाम सिफारिस भएको छ ।यस्तै क्षेत्र नं ३ बाट कञ्चनचन्द्र वादे, रामकुमार मुल्मी, प्रकाश थापाको नाम सिफारिस भएको छ ।क्षेत्र नं ४ बाट अच्युतप्रसाद पौडेल, सुन्दर आचार्य, बेलबहादुर लामाको नाम सिफारिस भएको छ ।यता एमालेले प्रतिनिधिसभामा क्षेत्र नं १ बाट रामहरि सुवेदी, नारायण पाण्डे, सङ्ग्रामजित लामा र पवित्रा भुर्तेलको नाम सिफारिस गरेको छ भने प्रदेशसभाको क्षेत्र नं १ बाट मुकुन्द लामा, ईश्वरी पौडेल, दिलीप तामाङ, नवीना लामा, दीपक गौतमलगायतको नाम सिफारिस गरेको छ ।क्षेत्र नं २ बाट कुलचन्द्र अधिकारी, केशव बडाल, कृष्णचन्द्र आचार्य, विष्णुप्रसाद खनाल, विदुर हुमागार्इंलगायतको नाम सिफारिस भएको छ ।क्षेत्र नं ४ बाट वसुन्धरा हुमागार्इं, कुमार थापा, कमल तिमल्सिना, हरिदेव गिरी, हरिशरण दाहाललगायतको नाम सिफारिस भएको छ । तर क्षेत्र नं ३ बाट कसैको नाम सिफारिस नभएको एमालेले जनाएको छ ।माओवादी केन्द्रले बैठक जारी रहेको जनाउँदै केन्द्रको निर्णय पर्खेर बसेको जनाएको छ ।पार्टीका पोलिटब्युरो सदस्य दीनानाथ गौतमले निर्वाचनका लागि तयारी भएको उल्लेख गर्दै एमालेसँगको छलफल जारी रहेको बताए । 

प्रकाशित मिति: २०७४,आश्विन,२०,शुक्रवार ०६:२५

प्रतिक्रिया दिनुहोस !
सम्बन्धित खबरहरु

काठमाडौं । बागमती प्रदेशको काठमाडौं उपात्यकालगायत १३ वटै जिल्लामा यही मङ्सिर ४ गते हुने प्रतिनिधिसभा र प्रदेशसभाको निर्वाचनमा कुल ३४

नुवाकोट । नेपाल कम्युनिष्ट पार्टी(एमाले) बाट गत स्थानीय निर्वाचनमा बिदुर नगरपालिका वडा नम्बर ८ को वडा सदस्यमा निर्वाचित युवा सामाजिक

सिन्धुपाल्चोक । कानको उपचारको लागि चौतारा अस्पताल पुगेका लक्ष्मण विष्टले उपचारमा आवश्यक सामग्री नभएको अस्पताल प्रशासनको जवाफपछि त्यसै फर्किनु पर्यो

काठमाडाैं । आगामी मङ्सिर ४ गते हुने प्रतिनिधिसभा र प्रदेशसभा निर्वाचनमा चितवन क्षेत्र नं १ बाट प्रतिनिधिसभा सदस्यको स्वतन्त्र उम्मेदवारी

ताजा समाचार

इलाम–२ मा एमालेका नेम्वाङ्ग निर्वाचित
 २०७९,मङ्सिर,१०,शनिवार २३:१९
मोरङ–१ मा कांग्रेसका लिम्बु विजयी
 २०७९,मङ्सिर,१०,शनिवार २२:२९
धनुषा–१ बाट जसपाका कार्की निर्वाचित
 २०७९,मङ्सिर,१०,शनिवार २२:१४
इलाम केन्द्रविन्दू भएर भूकम्प
 २०७९,मङ्सिर,१०,शनिवार २०:५७
इलाम–२ मा रोकियो मतगणना
 २०७९,मङ्सिर,१०,शनिवार २०:४२
सुनसरी–२ (२) मा एमालेका मेहता विजयी
 २०७९,मङ्सिर,१०,शनिवार १९:२८