२०७८,बैशाख,२९,बुधबार

आईपीएल २०२१ : साविक विजेता मुम्बईको हार


काठमाडौं । इन्डियन प्रिमियर लिग (आईपीएल) अन्तर्गत गए राती सम्पन्न खेलमा साविक विजेता मुम्बई इण्डियन्स दिल्ली क्यापिटल्स सँग ६ विकेटले पराजित भएको छ ।

टस जितेर पहिलो ब्याटिङ रोजेको मुम्बईले निर्धारित २० ओभरमा ९ विकेट गुमाउँदै १३७ रनमा रोकिएको थियो । ओपनर आएका मुम्बईका कप्तान रोहित शर्माले ३० बलमा ३ चौका र ३ छक्का सहित सर्वाधिक ४४ रनको पारी खेलका थिए । मुम्बईलाई सस्तैमा समेट्न दिल्लीका स्पिनर अमित मिश्रा वरदान सावित भए । मिश्रा ले प्रमुख ३ आक्रामक ब्याट्सम्यानको विकेट लिए पछि मुम्बईलाई रन जोड्न निकै संघर्ष गर्नु परेको थियो ।

१३८ रनको जित लक्ष्य बोकेर ब्याटिङमा उत्रेको दिल्लीले १९.१ ओभरमा ४ विकेट गुमाउँदै लक्ष्य पूरा गरेपछि यो जीत दिल्लीको पोल्टामा गएको हो । दिल्लीका शिखर धवनले ४२ बलमा ५ चौका र १ छक्का सहित ४५ रन जोड्न सफल भएका थिए भने, दोस्रो विकेटका लागि धवन र स्मिथले ५३ रनको साझेदारी गरेका थिए ।

४ ओभरमा २४ रन खर्चेर ४ विकेट लिन सफल दिल्लीका स्पिनर अमित मिश्रा हिजोको खेलमा म्यान अफ दि म्याच घोषित भए । दिल्ली ४ खेलमा १ मा हार सहित ३ जीत निकाल्दै ६ अंक बटुलेर दोस्रो स्थानमा छ भने बेङ्गलोर मात्र ३ खेलमा ६ अंक सहित शीर्ष स्थानमा छ ।

आज हुने खेलहर मध्ये पहिलो खेल पंजाब किङ्स र सन्राइजर्स हैदराबाद बीच चेन्नईमा हुँदै छ भने दोस्रो खेल कोलकाता नाइट राइडर्स र चेन्नई सुपर किंग्स बीच मुम्बईमा हुँदै छ ।

प्रकाशित मिति: २०७८,बैशाख,८,बुधबार ०७:४०


प्रतिक्रिया दिनुहोस !
सम्बन्धित खबरहरु

काठमाडौं ।  स्पेनिश ला-लिगामा बिहीवार एथ्लेटिको मड्रिड र रियल सोसिड्याड प्रतिस्पर्धा गर्दै छन्। राति १:४५ बजे खेलिने उक्त खेलले एथ्लेटिको

काठमाडौं ।  इटालियन ‘सिरी-ए’को उपाधि इन्टर मिलानले जितिसकेको छ। तर ‘सिरी-ए’को उत्साह र रोमाञ्चकतामा भने केही कमि आएको छैन। साविक

काठमाडौं ।  इंग्लिश प्रिमियर लिग अन्तर्गत आज रातिको खेलमा चेल्सी र आर्सनल प्रतिस्पर्धा गर्दै छन्। इंग्लिश फुटबलमा ठूलो महत्व बोकेको

काठमाडौं । वर्ल्ड कप विजेता गोलरक्षक जियानलुइगी बुफोनले यस सिजनको अन्त्यमा युभेन्टस छाड्ने भएका छन्। सन् २००१ देखि २०१८ सम्म