२०७८,जेष्ठ,१,शनिवार

कैलालीमा कोरोनाको जोखिम बढ्दो : विद्यालय बन्द गर्नेबारे भएन छलफल


टेकसिँह धामी/धनगढी- कोभिड–१९ जोखिम बढ्दै गए पनि कैलालीका सहरी क्षेत्रमा विद्यालय विद्यालय बन्द गर्ने विषयमा छलफल नै हुन सकेको छैन । स्वास्थ्य तथा जनसंख्या मन्त्रालयले अति प्रभावित कैलालीसहित १४ जिल्लाका सहरी क्षेत्रका सबै विद्यालय आज शुक्रवारदेखि नै बन्द गर्न आग्रह गरे पनि जिल्लामा विद्यालय बन्द गर्ने विषयमा छलफल नभएको हो ।

प्रदेशको राजधानीसमेत रहेको धनगढीमा विद्यालय बन्द गर्ने विषयमा कुनै निर्णय हुन सकेको छैन । उपमहानगरपालिकाका प्रमुख प्रशासकीय अधिकृत हरिबहादुर चन्दले केन्द्रबाट लिखित रूपमा कुनै निर्देशन नआएको र सो विषयमा छलफल पनि नभएको बताए । उनले भने, ‘केन्द्रबाट कुनै परिपत्र आएको छैन् । अहिले नै विद्यालय बन्द गर्ने विषयमा कुनै निर्णयमा पुगेका छैनौँ ।’ शिक्षा महाशाखाका उपसचिव नरेन्द्रबहादुर खातीले पनि विद्यालय बन्द गर्ने विषयमा छलफल नभएको बताए । उनले विपद् व्यवस्थापनसम्वन्धीको बैठकमा भने सो विषयमा छलफल गर्ने बताए ।

कैलालीको गोदावरी नगरपालिकाकी उपप्रमुख रत्ना कठायतले पनि विद्यालय बन्द गर्ने विषयमा कुनै निर्णय नभएको बताइन् । जिल्लामा सरकारी र निजी विद्यालय अहिले निर्वाध रुपमा सञ्चालन भइरहेका छन् । भारतको सीमासँग जोडिएको जिल्ला हुँदा यहाँ कोभिड जोखिम भने बढ्दो छ । त्रिनगर नाका भएर दैनिक हजार बढी नेपाली कैलाली भित्रिरहेका छन् भने उनीहरूमध्ये झण्डै ८ प्रतिशतमा कोरोना देखिएको छ ।

पछिल्ले पाँच दिनमा दुई हजार दुई सयको एन्टिजेनमार्फत कोभिड परीक्षण गर्दा एक सय ९५ जनामा संक्रमण पुष्टि भएको थियो । बिहिवार स्वास्थ्य मन्त्रालयका प्रवक्ता डा. जागेश्वर गौतमले कैलालीसहितका १४ जिल्लाका सहरी क्षेत्रमा विद्यालय बन्द नगरे लकडाउन गर्नुपर्ने अवस्था आउने बताएका थिए । अति प्रभावित १४ जिल्लामा कैलालीसहित काठमाडौं, ललितपुर, कास्की, रुपन्देही, चितवन, बाँके, पर्सा, भक्तपुर, मोरङ, दाङ, सुर्खेत, बारा र बाग्लुङ रहेका छन् ।

प्रकाशित मिति: २०७८,बैशाख,३,शुक्रवार १७:४३


प्रतिक्रिया दिनुहोस !
सम्बन्धित खबरहरु

भक्तपुर । मध्यपुरथिमि नगरपालिकाले ६५ लाखमा नेपाल कोरिया मैत्री नगरपालिका अस्पतालमा स्थापना गरेको एयर बेस प्लान्टबाट अक्सिजन उत्पादन गरी आजबाट

मनाङ । नयाँ भेरियन्ट सहितको दोस्रो चरणको कोरोना फैलिएपछि बढ्दो सङ्क्रमितको सङ्ख्यासँगै मनाङमा उनीहरूको उपचारमा समस्या देखिएको छ । उपचारको

काठमाडौं । वैशाखमा मात्रै नेपालमा कोरोना भाइरसबाट डेढ लाखभन्दा बढी व्यक्ति सङ्क्रमित भएका छन् । वैशाख १ गतेसम्म कोरोना सङ्क्रमितको

काठमाडौं । बितेको एक सातामा १ हजार ५ सय ५७ जनाको मृत्यु भएको छ । स्वास्थ्य तथा जनसंख्या मन्त्रालयले दिएको

कुहिने फोहोरबाट मल उत्पादन
 २०७८,जेष्ठ,१,शनिवार १०:४७
अट्टाहस-५
 २०७८,जेष्ठ,१,शनिवार १०:३२