२०७८,बैशाख,२९,बुधबार

राजनीतिक अस्थिरताबाट मुलुकलाई निकास दिन कांग्रेसको नेतृत्व आवश्यक : नेता सिंह


काठमाडौं । नेपाली कांग्रेसका नेता प्रकाशमान सिंहले अहिलेको अस्थीर राजनीतिक अवस्थाबाट मुलुकलाई निकास दिलाउन कांग्रेस नेतृत्वको सरकार आवश्यक रहेको बताएका छन् ।

मंगलवार चितवन पुगेको नेता सिंहले पत्रकारहरुसँग कुराकानी गर्दै वर्तमान सरकारले मुलुकलाई अस्थीरता तर्फ लगेको र नैतिकता गुमाएकाले मुलुकलाई विधिसंवत तरिकाले निकास दिनु पर्ने बताएका हुन् ।

उनले भने- ‘जनताले कांग्रेसलाई प्रतिपक्षमा बस्न भनेको तर देशको अवस्थालाई हेरेर, अस्थिर राजनीतिलाई स्थिर बनाउन र बाँकी समयमा विकास निमार्णका काम गरि निवार्चन गराउन कांग्रेसको नेतृत्वको सरकार आवश्यक छ ।’

उनले नेपाली कांग्रेसले पाएको जिम्मेवारी सधै पुरा गरेको र अहिले पनि पुरा गर्ने बताए । मुलुकलाई दुर्घटनाबाट बचाउन ओली सरकारलई हटाउन कांग्रेस आँफै अग्रसर भएको उनको दाबी छ ।

‘अहिलेको सरकारले न भष्ट्राचार रोक्यो,न सुशासन कायम गर्‍यो, न विकास निर्माणका कार्य गर्‍यो, विकास बजेट सम्म पनि खर्च गर्न सकेन ।’ भन्दै उनले भने ‘राजनीतिमा नैतिकताको धेरै महत्व हुन्छ । यो सरकारले नैतिकता गुमाईसकेको छ । अब यसको विकल्प तत्काल दिनुपर्छ ।’

कांग्रेसका लागी महाधिवेशन कि सरकारको नेतृत्व महत्वपूर्ण ? भन्ने पत्रकारको प्रश्नमा नेता सिंहले भने- ‘हाम्रो लागी देश र जनता महत्वपुर्ण हुन ।अहिलेको अवस्थाबाट निकास दिलाउन हामी सरकारमा पनि जान्छौं । महाधिवेशन पनि गर्छौ ।’

साथै उनले कांग्रेसको आगामी महाधीवेशन तोकिएकै समयमा सम्पन्न हुने बताए ।

प्रकाशित मिति: २०७७,चैत्र,३१,मंगलवार १७:२५


प्रतिक्रिया दिनुहोस !
सम्बन्धित खबरहरु

काठमाडौं । जनता समाजवादी पार्टी (जसपा)ले वैकल्पिक सरकार गठनमा सहमति जुटाउन आज शीर्ष नेताबीच छलफल गरेको छ । ललितपुरको बालकुमारीस्थित

काठमाडौं । गण्डकी प्रदेशका नवनियुक्त मुख्यमन्त्री पृथ्वी सुब्बा गुरुङले पद तथा गोपनियताको सपथ ग्रहण गरेका छन् । गण्डकी प्रदेश प्रमुख

काठमाडौं । नेकपा एमालेका नेता डा भीम रावलले आफूहरुले पार्टी अध्यक्ष केपी शर्मा ओलीलाई रोक्न राजीनामा दिनुपर्ने बताएका छन् ।

काठमाडौं । गण्डकी प्रदेशको मुख्यमन्त्रीमा पुनः पृथ्वी सुब्बा गुरुङ नियुक्त भएका छन् । बुधवार गुरुङलाई प्रदेश प्रमुख सीताकुमारी पौडेलले नियुक्ती

चिकित्सक संघले जारी गर्‍यो ‘रेड अर्लट’
 २०७८,बैशाख,२९,बुधबार २०:२५