१४ माघ २०७८, शुक्रवार

चाडपर्वको समयमा फरक रणनीतिका साथ निकुञ्ज सुरक्षा

२०७४,आश्विन,२०,शुक्रवार ०२:१६

0
Shares

चितवन, २० असोज – चाडपर्वको समयमा मानिसको ध्यान रमाइलो गर्ने तर्फ भइरहेको बेला चोरी तस्करको ध्यान निकुञ्जमा हुनसक्ने भन्दै फरक रणनीतिका साथ चितवन राष्ट्रिय निकुञ्ज सुरक्षामा कडाइ गरिएको छ ।निकुञ्ज सुरक्षार्थ खटिएको नेपाली सेनाका बटुक दल गण र निकुञ्ज कार्यालयका कर्मचारीले निकुञ्जको कडाइका साथ सुरक्षा गरिरहेका छन् ।निकुञ्जका प्रमुख संरक्षण अधिकृत रामचन्द्र कँडेलका अनुसार पूरै निकुञ्जको अवस्था थाहा हुने गरी स्वीप अप्रेसन सम्पन्न गरिएको छ । दशैँ अगाडि निकुञ्जमा रहेको नेपाली सेनाको ४५ वटा पोष्ट र निकुञ्ज कार्यालयको १३६ वटा पोष्टका सेना र कर्मचारीले निकुञ्जमा स्वीप अप्रेसन गरेका हुन् ।चुरे अप्रेसन नाम दिएर अप्रेसन गरिएको कँडेलले बताउनुभयो । निकुञ्जको कसरा, जर्नेली, कछुवानी, सौराहा, खगेन्द्रमल्ली, अम्रिते, सुनाचुरी, वनकट्टा, बोटे सिमरा, बगई र इच्छानगरलगायतका पोष्टबाट निकुञ्जलाई घेरा हाली चुरे अप्रेसन गरिएको हो ।सो क्रममा खाना पकाउने चुल्हो, मानिस हिँड्ने बाटो, खानेकुरा फाले नफालेको, सडेगलेका खानेकुरा, जडीबुटी उखेले नउखेलेको, जनावर मरेकाजस्ता कुराको सूक्ष्म अध्ययन गरिएको छ । अप्रेसनको क्रममा पूरै निकुञ्ज क्षेत्रमा अवैधरुपमा मानिसको प्रवेश नभएको पाइएको छ । चार दिन लगाएर पूरै निकुञ्ज अप्रेसन गरिएको थियो ।सोपश्चात् पनि नियमित गस्तीबाहेक सौराहा क्षेत्रबाट छुट्टै एक समूहले निकुञ्ज गस्ती गरिरहेको छ । मंसिर दोस्रो साताबाट निकुञ्ज सुरक्षाका लागि प्रत्येक वर्ष हिउँदको समयमा गरिँदै आएको अप्रेसन महाहन्ट पनि गरिँदैछ । निकुञ्जमा दैनिक १५१ वटा साइकल, नौवटा गाडी, १६ मोटरसाइकल, चारवटा कुकुर, १७ वटा पोष्टबाट हात्तीले नियमित गस्ती गर्दै आएका छन् ।

प्रकाशित मिति: २०७४,आश्विन,२०,शुक्रवार ०२:१६

प्रतिक्रिया दिनुहोस !
सम्बन्धित खबरहरु

दक्षिण अफ्रिकास्थित एउटा चिडियाखानामा सिंह र बिरालोमा पनि कोभिड देखिएको छ । कोभिड संक्रमित ती दुबै जनवाबरहरुमा पनि मानिसमा जस्तै

धनगढी । भुकली सडक छेउमा टाँगेको सानो त्रिपालभित्र जसोतसो बसिरहेकी छिन् । केही दिनदेखि शीतलहर र हुस्सुसँगै चिसो अत्यधिक रुपमा

काठमाडौं । अहिलेको युग प्रविधिको हो । सामाजिक सञ्जाल बिना मानिसहरुले आफ्नो दैनिकी कल्पनासम्म गर्न सक्दैनन् । फेसबुक म्यासेन्जर एउटा

आपराधिक सत्य घटनामा आधारित नेपालकै पहिलो क्राइम एण्ड इन्भेस्टिगेसन सिरिज, क्राइम फाइल्स यहि आउँदो कात्तिक महिनादेखि कान्तिपुर टेलिभिजनबाट प्रशारण हुने

ताजा समाचार

जबरजस्ती करणी कसुरमा दुई युवक पक्राउ
 २०७८,माघ,१४,शुक्रवार २०:०३
माघ मसान्तसम्म विद्यालय नखुल्ने
 २०७८,माघ,१४,शुक्रवार २०:०३
परीक्षणमध्ये ६० प्रतिशतमा सङ्क्रमण
 २०७८,माघ,१४,शुक्रवार १९:५७