२०७८,जेष्ठ,१,शनिवार

सर्वाेच्चको न्यायाधीश बन्न सुवेदीको योग्यता पुगेको फैसला


काठमाडौं–सर्वोच्च अदालतले न्यायाधीसमा सिफारिस उच्च अदालत सुर्खेतका मुख्य न्यायाधीश नहकुल सुवेदी सर्वोच्चको न्यायाधीश बन्न योग्य भएको फैसला गरेको छ।

सोमवार सर्वोच्च अदालतका न्यायाधीश तेजबहादुर केसीको एकल इजलासले सुवेदीको योग्यतालाई लिएर दायर भएको रिट खारेज गर्ने फैसला गरेको हो । वरिष्ठ अधिवक्ता सुरेन्द्र भण्डारीले सुवेदीको सर्वोच्च अदालतको न्यायाधीश बन्नका लागि योग्यता नपुग्ने भन्दै सिफारिस गर्ने निकाय न्याय परिषद्लगायतका विरुद्ध रिट दायर गरेका थिए।

न्यायाधीश केसीको एकल इजलासले सुवेदीले न्याय सेवाको सहसचिवस्तरको कर्मचारी र उच्च अदालतको मुख्य न्यायाधीशको हैसियतमा काम गरेको भन्दै संविधान अनुसार योग्यता पुग्ने फैसला गरेको हो।

संविधान बमोजिम सर्वोच्चको न्यायाधीश हुन न्याय सेवाको राजपत्रांकित प्रथम श्रेणी वा सहसचिव स्तरको पदमा कम्तीमा १२ वर्ष काम गरेको हुनुपर्नेछ । गत २८ फागुनमा न्याय परिषदको बैठकले उच्च अदालतका मुख्य न्यायाधीश कुमार चुडाल र सुवेदीलाई सर्वोच्च अदालतको न्यायाधीशमा सिफारिस गरेको थियो ।

सुवेदीको योग्यता नपुग्ने भनेर अधिवक्ता भण्डारीले सर्वाेच्चमा रिट दायर गरेका थिए।

प्रकाशित मिति: २०७७,चैत्र,३०,सोमवार १८:३०


प्रतिक्रिया दिनुहोस !
सम्बन्धित खबरहरु

भक्तपुर । मध्यपुरथिमि नगरपालिकाले ६५ लाखमा नेपाल कोरिया मैत्री नगरपालिका अस्पतालमा स्थापना गरेको एयर बेस प्लान्टबाट अक्सिजन उत्पादन गरी आजबाट

चन्द्रकला कार्की/काठमाडौं – टिनीनी… आवाजमा बजेको फोनको घण्टीले तरकारी काट्दै गरेकी प्रिया उठ्छीन् । साँझ ६ बजेको छ । चार्जमा

मनाङ । नयाँ भेरियन्ट सहितको दोस्रो चरणको कोरोना फैलिएपछि बढ्दो सङ्क्रमितको सङ्ख्यासँगै मनाङमा उनीहरूको उपचारमा समस्या देखिएको छ । उपचारको

गलेश्वर । नयाँ भेरियन्टसहितको कोरोना भाइरसको दोस्रो लहरको सङ्क्रमणले थलापरेका बेला खेतवारीमा लगाइएको मकैवाली फौजीकिराले नष्ट गरिदिएपछि म्याग्दीका किसान दोहोरो

अट्टाहस-५
 २०७८,जेष्ठ,१,शनिवार १०:३२
अन्नपुर्णमा आइसोलेसन सञ्चालन
 २०७८,जेष्ठ,१,शनिवार ०८:५७