२०७७, २६ चैत्र बिहीवार २२:३३

सुडान डारफर झडपमा एक सय ३२ व्यक्तिको मृत्यु


प्रकाशित मिति : २०७७, २६ चैत्र बिहीवार २२:३३

एजेन्सी । सुडानको पश्चिमी डारफर क्षेत्रमा भएका जातीय झडपमा हालका केही दिनमा मृत्यु हुनेको सङ्ख्या कम्तीमा १३२ पुगेको यहाँका गभर्नरले बिहीवार सञ्चारमाध्यमहरूलाई जानकारी गराएका छन् ।

शनिवारदेखि राज्यको राजधानी एल जेनैना र त्यसको वरपरका क्षेत्रमा मसालाइट र अरब समुदायका सदस्यहरूबीच भएका झडपमा उनीहरूको मृत्यु भएको हो ।

सुडानको सरकारले यस क्षेत्रमा आपतकालिन अवस्थाको घोषणा गरेको छ ।

“स्वास्थ्यकर्मीहरूले दिएको विवरणअनुसार झडपमा मृत्यु हुनेको सङ्ख्या १३२ पुगेको छ,” चाडको सीमावर्ती क्षेत्रस्थित सुडानी एक राज्यका गभर्नर मोहम्मद अब्दुल्लाह डौमाले खार्र्तुममा पत्रकार सम्मेलनमा भने ।

प्रतिक्रिया दिनुहोस