१३ माघ २०७९, शुक्रवार

२४ सै घन्टा रिस उठ्छ ? अपनाउनुहोस् यी कुरा

२०७४,आश्विन,२०,शुक्रवार ००:५८

0
Shares

रिस नउठ्ने मान्छे संसारमा कोही छैन होला । धेरै–थोरै रिस सबैलाई उठ्छ, तर निरन्तर रिसाउनु भने स्वास्थ्यका लागि राम्रो कुरा पटक्कै होइन । रिसले शारीरिक, मानसिक, भावनात्मक तथा स्वास्थ्यमा नराम्रो प्रभाव पार्छ । बढी रिसाउने मानिसको अरू व्यक्तिसँग सम्बन्ध बिग्रनुका साथै कुनै व्यापार, व्यवसाय गरेको खण्डमा त्यसमा समेत नराम्रो धक्का पुग्न सक्छ । त्यसैले सकेसम्म रिसलाई सधैँका लागि गायब पारौँ । रिस उठेको उठ्यै गर्छ, तर कम हुँदैन भने नयाँ पत्रिकामा उल्लेखित    तलका केही टिप्स पढ्नुहोस्, सायद कम हुन सक्छ :चिसो पानी पिउनुहोस्यदि तपाईंलाई निकै रिस उठ्छ भने सकेसम्म धेरै पानी पिउने गर्नुहोस् । रिस उठ्दा प्रायः मानिसको दिमाग तात्छ र मुटुको धड्कन बढ्छ । यस्तो अवस्थामा चिसो पानी पिउँदा पनि दिमाग ठन्डा हुन्छ । मन  शान्त रहन्छ ।ध्यान गर्नुहोस्ध्यान गर्नु समग्र स्वास्थ्यका लागि फाइदाजनक कुरा हो । निरन्तर ध्यान गर्ने मानिसमा निकै कम मात्रामा रिस उठ्ने अध्ययनले देखाएको छ । ध्यान गर्ने व्यक्तिले सहज ढंगबाट रिसलाई आफ्नो नियन्त्रणमा लिन सक्छ । डायरी लेख्नेडायरी लेख्ने बानी कत्तिको छ ? सायद धेरैमा छैन होला । यदि तपाईंलाई निकै रिस उठ्छ भने अब डायरीमा टिप्ने गर्नुहोस् । तपाईंले आफ्नो छुट्टै प्रकारको डायरी बनाउनुहोस्, जहाँ यी विषय मात्रै समावेश होस् । निरन्तर डायरीमा टिप्ने बानीले रिस उठ्नुको कारण पत्ता लगाउन मद्दत पुर्‍याउनुका साथै नकारात्मक कुराको समेत अन्त्य गर्न सहयोग गर्छ ।शास्त्रीय संगीत सुन्नेअन्य संगीतको तुलनामा शास्त्रीय संगीतले मानिसमा एकचित्त बनाउने र खुसी प्रदान गर्ने विभिन्न अध्ययनले देखाएको छ । युनिभर्सिटी अफ साउथ अलाबामाका मनोवैज्ञानिकहरूले कलेजका ५६ जना विद्यार्थीलाई विभिन्न विधाका संगीत सुनाएका थिए । उक्त संगीतसुनेपछि ५६ जना विद्यार्थीले नै आफूहरूमा निकै परिवर्तन आएको बताएका थिए ।गहिरो श्वास लिने र छाड्नेनाकबाट श्वास लिनुहोस् । झन्डै पाँच सेकेन्डपछि फ्याक्नुहोस् । तत्कालै तपाईंले शान्त महसुस गर्नुहुन्छ । नपत्याएको खण्डमा यो कुरालाई कुनै पनि वेला प्रयोग गर्न सक्नुहुन्छ ।

प्रकाशित मिति: २०७४,आश्विन,२०,शुक्रवार ००:५८

प्रतिक्रिया दिनुहोस !
सम्बन्धित खबरहरु

पाटन । नेपालका १६ वटा जिल्ला अझै कुष्ठरोग मुक्त हुन बाँकी रहेको तथ्य सार्वजनिक भएको छ । ७० औँ विश्व

स्याङ्जा । स्याङ्जाको पुतलीबजार ११ करेण्डाँडामा बसको ठक्करबाट आज साँझ एक पैदल यात्रुको मृत्यु भएको छ । बुटवलबाट पोखरा जाँदै

काठमाडौं । आत्मदाह गरेका इलामका प्रेमप्रसाद आचार्यकी श्रीमती नानुका अधिकारीले विभिन्न संस्था र व्यक्तिको नाम उल्लेख गरी १२ विरुद्ध किटानी

काठमाडौं । उद्योगी व्यवसायीका समस्याप्रति राज्य समयमै गम्भीर नहुँदा देशका विभिन्न ठाउँमा व्यवसायीहरूबाट आत्मदाह, आत्महत्या जस्ता अत्यन्त दुःखद एवं गम्भीर

ताजा समाचार

बसको ठक्करबाट पैदलयात्रुको मृत्यु
 २०७९,माघ,१३,शुक्रवार २२:५३