शेयर बजार राताम्मे : २४ अंकको गिरावट

काठमाडौं । सोमवार शेयर बजारमा २४.०८ अंकले गिरावट आई २५१४.३९ अंकमा आएर रोकिएको छ ।

केही दिन यता लगातार बढेको शेयर बजार सोमवार गिरावट आएको हो । सोमवार कुल ५ अर्ब ३५ करोड भन्दा बढीको कारोबार भएको छ भने १ करोड ९ लाख ३१ हजार कित्ता शेयर किनबेच भएको छ ।

सोमवार  हाइड्रोपावर र होटेल तथा पर्यटन समूहमा बाहेक सबै समूहहरुको कारोबारमा गिरावट आएको छ । आज अपर तामाकोशीको मूल्य भने बढेर सर्किट लागेको छ ।

सोमवार २ सय ११ कम्पनीको कारोबार भएको छ । हाइड्रोपावर समूह १०१.७३ अंकले वृद्धि भएको छ । २ कम्पनीको मूल्य १०% ले वृद्धि भएको छ ।