कोरोना अपडेट: ७९ जना संक्रमित, ८२ जना संक्रमणमुक्त

काठमाडौँ- नेपालमा थप ७९ जनामा कोरोना भाइरस संक्रमण फेला परेको छ । योसँगै नेपालमा कोरोना भाइरसबाट संक्रमित हुनेको संख्या २ लाख ७५ हजार ८२९ पुगेको छ।

पछिल्लो २४ घण्टामा थप ८२ जना संक्रमणमुक्त भएका छन् । हालसम्म निको हुनेको संख्या २ लाख ७१ हजार ८ सय १५ रहेको छ ।

यस्तै नेपालमा कोरोनाबाट मृत्यु हुनेको संख्या ३ हजार १६ रहेको छ । हालसम्म देशभर २२ लाख ३३ हजार ३ सय ४५ नमुनाको पीसीआर परीक्षण भएको छ । अहिले ५१ जना क्वारेन्टाइनमा रहेका छन्।