२०७४, १९ आश्विन बिहीवार ०७:३४

माओवादी मन्त्री रुकुममा नाच्दै, काठमाडौंमा देउवाको बर्खास्ती तयारी


प्रकाशित मिति : २०७४, १९ आश्विन बिहीवार ०७:३४

काठमाडौं, १९ असोज – प्रधानमन्त्री शेरबहादुर देउवाले माओवादी मन्त्रीहरुलाई बर्खास्त गर्ने तयारी गरेको बताइएको छ । सत्ता गठबन्धन तोडेर एमालेसँग माओवादीले चुनावी गठबन्धन गरेपछि देउवाले अब सत्ता गठबन्धनको औचित्य नरहेको भन्दै बर्खास्त गर्ने तयारी गरेका हुन् । यसका लागि उनले कानून व्यवसायीदेखि लिएर पार्टी तथा अरु दलसाग छलफल गरेका छन् । माओवादी नहुँदा पनि सरकारको पक्षमा बहुमत रहने बरु राप्रपा, राजपालगायतका दललाई सरकारमा सहभागि गरेर अघि बढ्ने पक्षमा देउवा रहेका छन् । यसरी देउवाले बर्खास्तीको तयारी गरिरहेको बेला गृहमन्त्री जनार्दन शर्मा भने रुकुममा रमाइलो गरिरहेको अवस्थामा भेटिएका छन् । उनी पूवी रुकुमस्थित रुकुमकोटको जिल्ला प्रशासन कार्यालय, जिल्ला प्रहरी कार्यालयलगायतका सरकारी कार्यालय उद्घाटन समारोहपछि आयोजित कार्यक्रममा शर्मा जनतासँगै नाच्दै रमाइलो गरेका हुन् । गृहमन्त्री जनतासँग स्थानीय पन्सेरी नाचमा सहभागि हुँदा माहोल निकै रोचक बनेको थियो

प्रतिक्रिया दिनुहोस