काठमाडौं । फ्रेन्च लिग वान फुटबलमा पेरिस सेन्ट जर्मेन (पीएसजी) पराजित भएको छ । आइतवार राति भएको खेलमा पीएसजी घरेलु मैदानमै नान्टेससँग २-१ ले पराजित भएको हो ।
शुरुवाती अग्रता जोगाउन नसक्दा पीएसजीले हार व्यहोरेको हो । खेलको ४२ औं मिनेटमा जुलियन ड्राक्सलरले गोल गर्दै पीएसजीलाई अग्रता दिलाएका थिए ।
तर, खेलको ५९ औं मिनेटमा रान्डल कोलो मुआनीले गोल गर्दै नान्टेसलाई १-१ गोलको बराबरीमा ल्याए ।
त्यसपछि खेलको ७१ औं मिनेटमा मोसेस सिमोनले गोल गर्दै नान्टेसलाई २-१ गोलको जित दिलाए ।
यस हारसँगै पीएसजीले लिगको शीर्ष स्थानमा उक्लने मौका गुमाएको छ ।
पीएसजी २९ खेलमा ६० अंक जोडेर दोस्रो स्थानमा रहेको छ ।
नान्टेस २७ अंक जोडेर रेलिगेसन क्षेत्रमा रहेको छ ।
- एजेन्सी
यो खबर पढेर तपाईलाई कस्तो महसुस भयो ?
प्रतिक्रिया