हालसम्म कति सांसदहरुले लगाए कोरोनाविरुद्धको खोप ?

काठमाडौं । आज (आइतवार)सम्म प्रतिनिधिसभा र राष्ट्रिय सभाका २ सय ६५ जना सांसदले कोरोना विरुद्धको खोप लगाएका छन् ।

सांसदहरुले स्वास्थ्य मन्त्रालयले व्यवस्था गरेको नयाँ बानेश्वरस्थित सिभिल अस्पतालमा पुगेर कोरोना विरुद्धको खोप लगाएका छन् ।

फागुन २३ गतेको प्रतिनिधिसभा बैठकको बस्नु अघि संघीय संसदका सांसद र कर्मचारीलाई कोरोना विरुद्धको खोप लगाइएको थियो ।

संघीय संसद सचिवालयका अनुसार आज (आइतवार)सम्म २ सय ६५ सांसद, स्वकीय सचिव, कर्मचारी गरी ११ सय १५ गरी कूल १३ सय ८० जनाले कोरोना विरुद्धको खोप लगाएका छन् ।