काठमाडौं । राष्ट्रपति विद्यादेवी भण्डारीले ‘अन्तर्राष्ट्रिय साहसी महिला पुरस्कार’ प्राप्त गरेकोमा मुस्कान खातुनलाई बधाई दिएकी छिन् ।
शनिवार एक ट्वीट गर्दै राष्ट्रपति भण्डारीले एसिड आक्रमणको पीडालाई शक्तिमा बदल्दै मुस्कानले यस जघन्य अपराधविरुद्ध कडा कानुन र सजायका लागि सञ्चालन गरेको साहसिक अभियानले सार्थकता पाएको बताउँदै बधाई ज्ञापन गरेकी हुन् ।
साथै उक्त पुरस्कारका लागि राष्ट्रपति भण्डारीले अमेरिकी सरकारलाई समेत धन्यवाद ज्ञापन गरेकी छिन् ।
एसिड आक्रमणको असैह्य पीडालाई शक्तिमा बदल्दै यस जघन्य अपराधविरुद्ध कडा कानुन र सजायका लागि साहसिक अभियान सञ्चालन गर्ने किशोरी मुस्कान खातुनलाई प्रतिष्ठित ‘अन्तर्राष्ट्रिय साहसी महिला पुरस्कार’ प्रदान गरिने घोषणा गरिएकोमा मुस्कान खातुनलाई हार्दिक बधाई तथा अमेरिकी सरकारलाई धन्यवाद !
— Bidya Devi Bhandari (@PresidentofNP) March 6, 2021
यो खबर पढेर तपाईलाई कस्तो महसुस भयो ?
प्रतिक्रिया