१३ माघ २०७९, शुक्रवार

बन्ने भयो अर्को गठबन्धन, ५ दलले सघाएपछि कांग्रेसलाई राहत

२०७४,आश्विन,१८,बुधबार १५:०५

0
Shares

काठमाडौं, १८ असोज— नेपाली कांग्रेस, संघीय समाजवादी फोरम र राप्रपासहित विभिन्न ६ दलले आगामी प्रदेशसभा र प्रतिनिधिसभा निर्वाचनमा सहकार्य गरेर अघि बढ्ने सहमति गरेका छन् । प्रधानमन्त्री निवास बालुवाटारमा बुधबार राती सम्पन्न बैठकले लोकतान्त्रिक— प्रजातान्त्रिक गठबन्धन निर्माण गरेर अघि बढ्ने सहमति गरेको कांग्रेस नेता विमलेन्द्र निधिले बैठकपछि सञ्चारकर्मीलाई जानकारी गराए ।मंगलबार एमाले , माओवादी केन्द्र र नयाँ शक्तिले चुनावी तालमेल गर्ने तथा चुनावपछि पार्टी एकता नै गरेर अघि बढ्ने सहमति गरेपछि दवाव रहेको कांग्रेसले आज ६ दलको बैठक बोलाएको थियो । उपेन्द्र यादव नेतृत्वको संघीय समाजवादी फोरम, विजय कुमार गच्छदार नेतृत्वको लोकतान्त्रिक फोरम, कमल थापा नेतृत्वको राप्रपा, पशुपति शमशेर राणा नेतृत्वको राप्रपा प्रजातान्त्रिक र राजपा नेपालका नेताहरु बैठकमा सहभागि थिए ।बैठकले चुनावमा सहकार्य गरेर अघि बढ्नको लागि कांग्रेसका दुई र अरु पाँच पार्टीका १—१ जना सदस्य रहने कार्यदल समेत गठन गरेको छ ।बाम गठबन्धन निर्माणपछि कांग्रेस निकै दवावमा देखिएको छ भने बाम एकतालाई रोक्न कांग्रेसले पनि लोकतान्त्रिक गठबन्धन बनाउन पहल थालेको बताइएको छ ।

प्रकाशित मिति: २०७४,आश्विन,१८,बुधबार १५:०५

प्रतिक्रिया दिनुहोस !
सम्बन्धित खबरहरु

काठमाडौं । नेपाली कांग्रेसको प्रमुख भ्रातृ संस्था नेपाल विद्यार्थी संघले स्वतन्त्र विद्यार्थी युनियनको निर्वाचनका लागि घोषणापत्र समितिमा सदस्य थपेको छ

काठमाडौं । राष्ट्रिय स्वतन्त्र पार्टीले प्रदेशमा गर्ने भनिएका सबै कार्यक्रम स्थगित गरेको छ । पार्टीका प्रवक्ता एवं महामन्त्री डा.मुकुल ढकालले

काठमाडौं । परराष्ट्र मन्त्री डा.विमला राई पौड्यालले खाद्य संकट समाधानका लागि मुलुकभित्रको विविधता अवसर भएको बताएकी छन् । गैरसरकारी संस्था

काठमाडौं । संघीय संसद्, राष्ट्रियसभा विधायन व्यवस्थापन समितिले ‘कार्य परामर्श उपसमिति’ गठन गरेको छ । सिंहदरबारस्थित समितिको कार्यकक्षमा आज भएको

ताजा समाचार

बसको ठक्करबाट पैदलयात्रुको मृत्यु
 २०७९,माघ,१३,शुक्रवार २२:५३