तरकारी किन्दै हुनुहुन्छ ? यस्तो छ आजको बजार मूल्य

काठमाडौं । कालीमाटी फलफूल तथा तरकारी विकास समितिले आज सोमवारका लागि तरकारी तथा फलफूलको मूल्य सार्वजनिक गरेको छ । समितिले आजका लागि कालो अंगुरको प्रतिकेजी मूल्य २१० रुपैयाँ, हरियो अंगुर प्रतिकेजी ११० रुपैयाँ, अदुवा प्रतिकेजी मूल्य ६५ रुपैयाँ तोकेको छ ।

यसैगरी रातो आलु केजीको २७ रुपैयाँ, भारतीय रातो आलु २५ रुपैयाँ, तराई काउली २२.५० रुपैयाँ, स्थानीय काउली ३० रुपैयाँ, कागती प्रतिकेजी १४० रुपैयाँ, केरा प्रतिदर्जन १०५ रुपैयाँ कायम भइ कारोबार भइरहेको समितिले जनाएको छ ।

समितिले सुकेको खुर्सानी प्रतिकेजी ३२५ रुपैयाँ, हरियो खुर्सानी ८५ रुपैयाँ, गोलभेँडा ठूलो ४५ रुपैयाँ, गोलभेँडा सानो १२.५० रुपैयाँ, गोलभेँडा सानो (तराई) १७.५० रुपैयाँ तोकेको छ ।