११ आश्विन २०७९, मंगलवार

शिक्षा क्षेत्र सुधारको माग गर्दै विद्यार्थीद्वारा अनशन

२०७४,आश्विन,१८,बुधबार ०७:२१

0
Shares

राजविराज, १८ असोज ।शिक्षा क्षेत्रको सुधारको माग गर्दै सप्तरीका बाल क्लबका विद्यार्थीले आजबाट राजविराजमा अनशन शुरु गरेका छन् ।सप्तरीको राजविराजस्थित गजेन्द्र चौकमा लालिगुराँस बाल क्लबका बालबालिकाले १४ सूत्रीय माग राख्दै अनशन शुरु गरेका हुन् ।बालबालिकाले विद्यालयलाई शान्ति क्षेत्र घोषणा गर्नुपर्ने, बन्द हडतालका बेला विद्यालयलाई बन्द गर्न नहुने, कक्षा १२ सम्मको रजिष्ट्रेशन फर्म, परीक्षा फर्म र प्राक्टिकल फर्म निःशुल्क उपलब्ध गराउनुपर्ने, सबै सामुदायिक विद्यालयमा समयमै पाठ्यपुस्तक उपलब्ध गराउनुपर्नेलगायतका १४ सूत्रीय माग राख्दै अनशन सुरु गरेको लालिगुराँस बाल क्लबका अध्यक्ष मोहमद जकाउल्लाहले बताए ।आफूहरुले पटकपटक विभिन्न आन्दोलनका कार्यक्रम गरेको भए पनि सम्बन्धित निकायले बेवास्ता गरेकाले बाध्य भएर आज पुनः अनशनमा बसेको उनले बताए । सयाैँको संख्यामा रहेका बाल क्लबका बालबालिका तथा विद्यार्थीले विभिन्न प्लेकार्डसहित अनशन शुरु गरेका छन् ।आफूहरुको मागप्रति ध्यान नदिए कडा आन्दोलनसमेत गर्ने उनीहरुले चेतावनी दिएका छन् ।यता सप्तरीका प्रमुख जिल्ला अधिकारी भगीरथ पाण्डेले लालिगुराँस बाल क्लबका बालबालिकाले गरेको अनशनको विषयमा आफूलाई कुनै जानकारी नभएको प्रतिक्रिया दिनुभयो ।बाल क्लबका बालबालिकाले गत असारमा पनि चार दिन रिले अनशन गरेका थिए ।जिल्ला शिक्षा अधिकारी डोलराज पाण्डेले शिक्षा कार्यालयको तर्फबाट उनीहरुको माग सम्बोधनका लागि पहल गरिसकेको बताए । 

प्रकाशित मिति: २०७४,आश्विन,१८,बुधबार ०७:२१

प्रतिक्रिया दिनुहोस !
सम्बन्धित खबरहरु

सिन्धुपाल्चोक। नेपाल–चीन व्यापारिक केन्द्र तातोपानीस्थित तातोपानी सुख्खा बन्दरगाह भन्सार कार्यालय सञ्चालन तथा व्यस्थापन निजी क्षेत्रमार्फत सञ्चालनमा आएको छ । समिति

काठमाडौं । वरिष्ठतम् न्यायाधीश हरिकृष्ण कार्की सर्वोच्च अदालतको कामु प्रधानन्यायाधीश बनेका छन् । मंगलवारदेखि कामु प्रधानन्यायाधीशको जिम्मेवारी कार्कीलाई दिइएको हो

खोटाङ । काम छाडेर ठेकेदार वेपत्ता भएपछि पुष्पलाल (मध्यपहाडी) राजमार्ग योजनाको कार्यालय काभ्रेपलाञ्चोकले खोटाङको चखेवाभञ्ज्याङ–सेखुवा (१० किलोमिटर) सडक खण्ड मर्मत

काठमाडौं । दैलेखको चामुण्डा बिन्द्रासैनी नगरपालिका–५ खापरथानमा हिजो बेलुकी ट्रयाक्टरबाट खसेर एक जनाको मृत्यु भएको छ । मृत्यु हुनेमा स्थानीय

ताजा समाचार

कोरोना अपडेट : ५४ जनामा संक्रमण पुष्टि
 २०७९,आश्विन,११,मंगलवार १६:३०
नेप्सेमा १५ अंकको वृद्धि
 २०७९,आश्विन,११,मंगलवार १६:२०