काठमाडौं । प्रहरीले नेपाल कम्युनिष्ट पार्टी (नेकपा) प्रचण्ड-नेपाल समूहकी नेतृ रामकुमारी झाँक्रीलाई पक्राउ गर्न प्रक्राउ पुर्जी जारी गरेको छ ।
प्रहरीले राज्य विरूद्धका कसुर अन्तर्गत संविधानको धारा ५८ अनुसार झाँक्रीलाई पक्राउ गर्न पक्राउ पुर्जी जारी गरेको हो ।
बिहीवार (आज) झाँक्रीलाई पक्राउ गर्नका लागि प्रहरी उनको निवास शंखमुल पुगेको छ । त्यस्तै उनका समर्थकहरु पनि नाराबाजी गर्दै उनको निवास पुगेका छन् ।
आज नै प्रहरीले उपस्थित हुनको लागि झाँक्रीलाई प्रहरीमा उपस्थित हुनको लागि आग्रह गरेको थियो । यद्यपी उपस्थित नभएमा पक्राउ गर्ने बताएको थियो ।
झाँक्रीले राष्ट्रपति र प्रधानमन्त्रीविरुद्ध सार्वजनिक कार्यक्रममा विवादित अभिव्यक्ति दिएको भन्दै प्रहरीले पक्राउ गर्ने बताएको थियो ।
नेतृ झाँक्रीले पत्रकार सम्मेलन गरी आफूलाई पक्राउ पूर्जीको पत्र नआएको बताएकी थिइन् ।
यो खबर पढेर तपाईलाई कस्तो महसुस भयो ?
प्रतिक्रिया