राष्ट्र बैंक गुहार्दै सुन व्यवसायी भने, ‘आयात सहज बनाइदिनुपर्‍यो’

लोकपथ
0
Shares

काठमाडौँ – सुनचाँदी व्यवसायी आफ्ना माग लिएर नेपाल राष्ट्र बैंक पुगेका छन् । नेपाल सुनचाँदी ब्यवसायी महासंघका प्रतिनिधि सुन आयात सहज बनाउन माग गर्दै राष्ट्र बैंक पुगेका हुन् । राष्ट्र बैंकले सुन आयात र वितरणको विषयमा निश्चित प्रावधान लागू गरेको छ ।

हालको प्रावधान अनुसार वाणिज्य बैंकहरुले मात्रै सुन आयात र बिक्री गर्न सक्ने व्यवस्था छ । हालको आयात निर्यात्को कार्यान्वयन फितलो भएको भन्दै त्यसलाई सहज बनाउन सुन व्यवसायीहरुले माग गरेका छन् ।

व्यवसायीले राष्ट्र बैंक विदेशी विनिमय विभागका कार्यकारी निर्देशक वमबहादुर मिश्रलाई भेटेर आफ्ना मागहरु राखेका थिए । सो भेटघाटपछि कार्यकारी निर्देशक मिश्रले राष्ट्र बैंकले जारी गरेको सर्कुलर अनुसार काम भए नभएको अनुगमन गरी त्यसलाई ब्यवस्थित गरिने बताए ।

राष्ट्र बैंकले सुन आायत कोटामा पनि पुनरावलोकन गरिने आश्वासन दिएको महासंघले जनाएको छ ।

हाल वाणिज्य बैंकहरुले सामान्य अवस्थामा २० केजी र चाडवाडका बेला २५ केजी सुन आयात गर्न पाउने व्यवस्था छ ।

महासंघका अध्यक्ष माणिकरत्न शाक्यको नेतृत्वमा सुन व्यवसायी राष्ट्र बैंक पुगेको थियो ।

यो खबर पढेर तपाईलाई कस्तो महसुस भयो ?