काठमाडौं । बलिउड अभिनेता ऋषि कपूर र रणधीर कपूरका भाई राजीव कपूरको आज (मंगलवार) निधन भएको छ ।
५८ वर्षका उनको मृत्यु हृदयघातका कारण भएको बताइएको छ ।
उनले राम तेरी गंगा मैली जस्ता फिल्ममा काम गरेका थिए ।
ऋषि कपूरकी श्रीमती नीतू कपूरले आफ्नो इन्स्टाग्राममा उनको तस्वीर शेयर गर्दै यसको जानकारी दिएकी छन् ।
राजीवले हिन्दी सिनेमामा राम्रो अभिनेता, प्रोड्यूसर र निर्देशकको रुपमा काम गरेका थिए ।
उनले १९८३ मा रिलीज भएको फिल्म एक जान है हमबाट सिल्भर स्क्रीनमा अभिनेताको रुपमा डेब्यू गरेका थिए ।
