काठमाडौं । नेपाल कम्युनिष्ट पार्टी (नेकपा) प्रचण्ड–माधव पक्षले भोलि (बुधवार) गर्ने जनप्रदर्शनमा सहभागी हुन सबैलाई अपील गरेको छन् ।
अध्यक्षद्वय पुष्पकमल दाहाल प्रचण्ड र माधव कुमार नेपालले संयुक्त भिडियो सन्देश जारी गर्दै काठमाडौंको भृकुटीमण्डपमा हुने जनप्रदर्शनमा सहभागी हुन अपील गरेका हुन् ।
गत आइतवार जारी गरिएको भिडियो सन्देशमा अध्यक्ष प्रचण्डले,‘हामी सबैले लडेर प्राप्त गरेको उपलब्धिको रक्षा गर्नका निम्ति काठमाडौंको विरोधसभामा सहभागी हुन र प्रतिगमनलाई परास्त गर्न अपील गर्दछु,’ भनेका छन् ।
साथै अध्यक्ष नेपालले भिडियो सन्देशमा विगतमा भएका कमीकमजोरी सुधार गर्ने प्रतिबद्धता व्यक्त गरेका छन् ।
