काठमाडौं । इंग्ल्याण्डले चेन्नई टेस्टमा भारतीय टीमलाई २२७ रनले पराजित गरेको छ ।
भारतमा इंग्ल्याण्डको यो नै अहिलेसम्मकै सबैभन्दा ठूलो जित हो । यो भन्दा पहिला इंग्ल्याण्डले मुम्बईमा २००६ मा २१२ रनले पराजित गरेको थियो । साथै भारतले भने चेन्नईको चेपक स्टेडियममा २२ वर्षपछि टेस्टमा पहिलो पटक हार व्यहोरेको छ ।
१९९९ मा पाकिस्तानले भारतलाई चेन्नईमै १२ रनले पराजित गरेको थियो ।
इंग्ल्याण्डले पहिलो पारीमा ५७८ रन र दोश्रो पारीमा १७८ रन बनाएको थियो । भारतले भने पहिलो पारीमा ३३७ रन बनाएको थियो ।त्यसैले भारतलाई जितका लागि ४२० रनको टार्गेट मिलेको थियो ।
भारतले दोश्रो पारीमा १९२ रन नै बनाउन सक्यो ।
