उदयपुर /लेखानी – परशुराम – शकुन्तला स्मृति प्रतिष्ठानले परशुराम बा को जन्मस्थल उदयपुर जिल्लाको कटारी नगरपालिका वडा न १४ को लेखानीमा स्मृति सभा आयोजना गरेको छ।
वि. स. २०१७ सालमा स्थापित चन्द्रावती माविको प्राङ्गणमा आयोजित कार्यक्रममा परशुराम बाको सामाजिक योगदानको चर्चा गर्दै उनले गरेका कार्यहरु र स्पष्ट वक्ताको रूपमा उनले पाएको पहिचान नयाँ पुस्तामा हस्तान्तरण गर्न फलदायी हुने विचार विभिन्न वक्ताहरुले व्यक्त गरे ।
कार्यक्रमकाबीच प्रत्येक वर्ष विभिन्न स्थानमा जेहन्दार छात्रवृत्ति प्रदान गर्दै आएको प्रतिष्ठानले परशुराम – शकुन्तला जेहेन्दार छात्रवृत्ति कक्षा ९ का जेहेन्दार छात्र खोम बहादुर पुवार मगरलाई प्रदान गरेको छ ।
यसैबीच रत्नकुमारी छात्रवृृत्ति, जनहित संरक्षण मञ्च, भोलानाथ भुसाल छात्रवृत्ति क्रमश मनिष राई, अनुज पोख्रेल, कृष्णबहादुर राईलाई वितरण गरिएको छ ।
कार्यक्रममा विद्यार्थीहरुले सांस्कृतिक नृत्य र गीतहरु प्रस्तुत गरेका थिए । उत्कृष्ट गायन गर्ने छात्रा सुस्मा मगरलाई समाजसेवी चन्दा दाहालले हौसला प्रदान गर्दै नगद प्रदान गरिन् ।
कार्यक्रममा विद्यालयका प्रधानाध्यापक बेदबिक्रम हमाल ,साहित्यकार बिष्णु मुरी , शिक्षासेवी सुबास खनाल , पूर्व कर्मचारी केशव दाहाल, पूर्व प्रशासक श्याम दाहाल, डा कुमुदराज काफ्ले मङ्ग्धन राई, अमर खुलाल ,संविधानविद् काशीराज दाहाल लगायतले मन्तव्य व्यक्त गरेका थिए ।
विद्यालय ब्यबस्थापन समितिका अध्यक्ष र वडा अध्यक्ष तेजबहादुर मगरको अध्यक्षतामा सम्पन्न कार्यक्रमकाबीच आँखामा जापान कृतिको चौँथो संस्करण विमोचन गरिएको थियो।
कृतिका लेखक तथा प्रतिष्ठानका संरक्षक प्रा. डा. रामप्रसाद दाहालले प्रतिष्ठानको गतिविधिमाथि प्रकाश पारेका थिए ।
यो खबर पढेर तपाईलाई कस्तो महसुस भयो ?
प्रतिक्रिया