काठमाडौं । जितसँगै एसी मिलान इटालियन सिरी ए फुटबलको शीर्ष स्थानमा उक्लिएको छ । आइतवार राति भएको खेलमा क्रोटोनलाई ४-० गोल अन्तरले पराजित गर्दै मिलान शीर्ष स्थानमा रहेको हो ।
घरेलु मैदानमा मिलानलाई जित दिलाउन ज्लाटन इब्राहिमोभिच र एन्टी रेबिकले २-२ गोल गरे । घरेलु मैदानमा खेलको ३० औं मिनेटमा इब्राहिमोभिचले गोल गर्दै टोलीलाई अग्रता दिलाएका थिए ।
यस गोलसँगै इब्राहिमोभिचले क्लब फुटबलमा करियरको ५०० औं गोल पूरा गरे । इब्राहिमोभिचले खेलको ६४ औं मिनेटमा व्यक्तिगत दोस्रो गोल गर्दै टोलीलाई २-० को अग्रता दिलाए ।
खेलको ६९ औं मिनेटमा रेबिकले गोल गदै मिलानको अग्रता ३-० बनाए । खेलको ७० औं मिनेटमा रेबिकले व्यक्तिगत दोस्रो गोल गर्दै मिलानलाई ४-० को जित दिलाए ।
जितसँगै मिलानले २१ खेलमा ४९ अंक जोडेको छ । इन्टरले ४७ अंक रहेको छ ।
क्रोटोन १२ अंक जोडेर पुछारमा रहेको छ ।
- एजेन्सी
