काठमाडौँ– नेकपा प्रचण्ड-माधव समूहका अध्यक्ष पुष्पकमल दाहाल प्रचण्डले गृहमन्त्री रामबहादुर थापा बादल केही समयपछि आफ्नो समूहमा फर्किने आशा व्यक्त गरेका छन् ।
यस अघि पनि आफ्नो पार्टीबाट अलगिएर फर्किएको भन्दै अध्यक्ष दाहालले फेरि पनि आफ्नो समूहमा आउने कुरामा आशावादी रहेको बताएका हुन् ।
यस्तै दाहालले पछिल्लो राजनीतिक घटनाक्रमको आफूले नैतिक जिम्मेवारी लिने बताएका छन् । आइतवार राति एक टेलिभिजनसँगको कुराकानीमा उनले आफूहरूबाट पनि केही कमि कमजोरी रहेको बताएका हुन् ।
उनले आफूहरूले प्रधानमन्त्री केपी शर्मा ओलीलाई बेलैमा सुधार्न नसकेको टिप्पणी गरेका छन् । प्रधानमन्त्री ओलीले आफूहरूसंग प्रतिस्पर्धा गर्न नसक्ने पनि बताए।
उनले प्रधानमन्त्री ओलीलाई ‘पापी मान्छे’ भन्दै टिप्पणी गरेका छन् ।
यो खबर पढेर तपाईलाई कस्तो महसुस भयो ?
प्रतिक्रिया