लाइसेन्सको ‘रि–ट्रायल’ दिँदै हुनुहुन्छ ? खुशीको खबर

काठमाडौं– यातायात व्यवस्था विभागले सवारी चालक अनुमति पत्र (लाइसेन्स) को ट्रायल दिन पाउने समयावधी १८ महिना बनाएको छ । लिखित परीक्षा पास गरेपछि ३ महिनाभित्र ३ पटकसम्म रि–ट्रायल दिन पाइने व्यवस्थालाई संशोधन गरी १८ महिना पुर्‍याइएको विभागले जनाएको छ।

कोरोना भाइरसको महामारीका कारण गत वर्षको चैतदेखि भएको लकडाउनका कारण लिखित परीक्षा पास भई ट्रायल दिनबाट वञ्चित भएका सेवाग्राहीलाई लक्षित गरी विभागले यस्तो व्यवस्था गरेको हो। विभागले यसका लागि यातायात व्यवस्थापन कार्यविधी निर्देशिका, २०६० लाई संशोधन गरी ३ महिनाको साटो १८ महिना बनाएको हो।

विभागले उक्त व्यवस्था इलेक्ट्रोनिक ड्राइभिङ लाइसेन्स एन्ड भेइकल रजिस्ट्रेसन सिस्टममा समेत नयाँ व्यवस्थालाई अद्यावधिक गरिएको जनाएको छ।