काठमाडौं । संवैधानिक निकायमा गरिएको नियुक्ति असंवैधानिक भएको दाबी गर्दै सभामुख अग्नि प्रसाद सापकोटाले दायर गरेको रिटमा सर्वोच्च अदालतले कारण देखाउ आदेश जारी गरेको छ ।
अदालतका न्यायाधीश प्रकाश कुमार ढुंगानाका इजलाशले आज (आइतवार) सो रिटमा अन्तरिम आदेश दिन अस्वीकार गरेको हो ।
इजलाशले यसबारे सरकारको नाममा कारण देखाउ आदेश मात्र जारी गरेको छ ।
उक्त रिटमा निवेदकको तर्फबाट वरिष्ठ अधिवक्ता रमण श्रेष्ठ, शम्भु थापा, कृष्ण प्रसाद पन्त र गोविन्द बन्दीले बहस गरेका थिए ।
अदालतले मुद्दामा अन्तरिम आदेश नदिएपनि आगामी सुनुवाइ प्रक्रियालाई प्रथमिकतामा राख्ने निर्णय भने गरेको छ ।
