नेपालमा २ सय ६० जना कोरोना संक्रमण मुक्त हुँदा १ सय १९ जनामा पुष्टि

काठमाडौं । नेपालमा पछिल्लो २४ घण्टामा थप २ सय ६० जना कोरोना संक्रमण मुक्त भएका छन् । योसँगै नेपालमा कुल कोरोना संक्रमण मुक्त हुनेको संख्या २ लाख ६८ हजार ७२ पुगेको छ।

नेपालमा पछिल्लो २४ घण्टामा ११९ जनामा कोरोना संक्रमण पुष्टि भएको छ । योसँगै नेपालमा कुल कोरोना संक्रमितको संख्या २ लाख ७१ हजार ९२५ पुगेको स्वास्थ्य मन्त्रालयले जनाएको छ ।

त्यस्तै पछिल्लो २४ घण्टामा नेपालमा कोरोना भाइरसका कारण ३ जनाको मृत्यु भएको छ । योसँगै नेपालमा कोरोनाबाट मृत्यु हुनेको कुल संख्या २ हजार ३८ पुगेको छ ।

हाल नेपालमा सक्रिय संक्रमितको संख्या १ हजार ८१५ रहेको छ । अहिलेसम्म नेपालमा २० लाख ९३ हजार ४१७ वटा पीसीआर नमूना परीक्षण भएका छन् ।

नेपालमा क्वारेन्टाइनमा रहनेको संख्या ९२ रहेको छ ।