काठमाडौं । कोरोना कहरकाबीच पनि हिमालयन डिष्टिलरीले राम्रो प्रगति हासिल गर्न सफल भएको छ ।
कम्पनीले चालू आर्थिक वर्षको दोस्रो त्रैमासको वित्तीय विवरण प्रकाशित गरेको छ । सो वित्तीय विवरण अनुसार कम्पनीले गत आर्थिक वर्षको सोही अवधिको तुलनामा ५६.५४ प्रतिशत नाफा बढाएको छ । यस अवधीमा कम्पनीले ३९ करोड ७६ लाख ४८ हजार रुपैयाँ खुद नाफा कमाइको छ ।
यो गत आर्थिक वर्षको सोही अवधिको तुलनामा १४ करोड ३६ लाख २८ हजार रुपैयाँले बढी हो । गत आर्थिक वर्षको सोही
अवधिसम्ममा कम्पनीले २५ करोड ४० लाख रुपैयाँ खुद नाफा कमाएको थियो । कम्पनीको बिक्री आम्दानी बढेकाले नाफा
कमाउन सफल भएको हो । यस अवधीमा अवधिमा कम्पनीले १ अर्ब ४४ करोड ७७ लाख रुपैयाँ पु-यााएको छ । कम्पनीको
अन्य सञ्चालन आम्दानी २ करोड ७९ लाख रुपैयाँबाट बढेर ५ करोड ६७ लाख रुपैयाँ पुगेको छ ।
कम्पनीको सञ्चालन मुनाफा ३७ करोड ५४ लाख रुपैयाँबाट बढेर ५६ करोड ५० लाख रुपैयाँ पुगेको कम्पनीले देखाएको छ । त्यसैगरी, कम्पनीको मूल्य आम्दानी अनुपात ४७.१३ गुणा रहेको छ भने प्रतिशेयर नेटवर्थ १५६ रुपैयाँ ८३ पैसा रहेको कम्पनीको वित्तीय विवरणले
देखाएको छ । नाफा मात्रै होइन कम्पनीको प्रतिशेयर आम्दानीमा पनि सुधार आएको छ । गत आर्थिक वर्षको पुस मसान्तसम्ममा ८७ रुपैयाँ ८३ पैसा रहेको कम्पनीको यस्तो आम्दानी चालु आर्थिक वर्षको सोही अवधिसम्ममा बढेर ९१ रुपैयाँ ६६ पैसा पुगेको छ ।
त्यस्तै, कम्पनीको जगेडा कोषमा ४९ करोड ३१ लाख रुपैयाँ छ । गत आर्थिक वर्षको सोही अवधिसम्ममा कम्पनीको जगेडा कोषमा ४६ करोड ३२ लाख
रुपैयाँ थियो । त्यस्तै, अहिले कम्पनीको चुँक्ता पूँजी ८६ करोड ७७ लाख रुपैयाँ रहेको छ । हाल कम्पनीले गोल्डेन ओक र ब्ल्याक ओक नामक मदिराहरु बढी मन बराइएका छन् ।
