प्रधानमन्त्रीप्रति नेता गुरुङको कटाक्ष : ‘महाराज ! ढाँटेको कुरा र फाटेको लुगा लुकाउन गाह्रो हुन्छ’

काठमाडौं । नेपाली कांग्रेसका नेता धनराज गुरुङले प्रधानमन्त्री केपी शर्मा ओलीप्रति कटाक्ष गर्दै ढाँटेको कुरा र फाटेको लुगा लुकाउन नमिल्ने बताएका छन् ।

आज (शुक्रवार) काठमाडौंमा नेकपा ओली समूहले गरेको वृहत् आम सभालाई सम्बोधन गर्दै ओलीले आफू नेतृत्वको सरकारले इतिहासकै सबैभन्दा धेरै विकास गरेको दाबी गरेकोमा गुरुङले कटाक्ष गर्दै यस्तो भनेका हुन् ।

उनले सोसल मिडिया टवीटरमा लेखेका छन्, ‘प्र.म. ओलीको भाषणको पहिलो लाइनः हुलाकी सडक,रेल संचालन,पानी जहाज,सुरुङ मार्ग, युवा स्वरोजगार आदि सारा काम सरकारले गरेको छ। प्र.म.ओलीको भाषणको दोश्रो लाइनः सरकारलाई काम गर्न नदिएकाले संसद भंग गरेको हुँ।
नरिसाइ बक्स्योस् महाराज१ ढाँटेको कुरा र फाटेको लुगा लुकाउन गाह्रो हुन्छ।’

यो खबर पढेर तपाईलाई कस्तो महसुस भयो ?