काठमाडौं । दक्षिण अफ्रीकाविरुद्धको दोस्रो टेस्टको पहिलो इनिङ्समा पाकिस्तान २ सय ७२ रन जोड्दा अलआउट भएको छ । टस जितेर पहिले ब्याटिङ गरेको पाकिस्तान टेस्टको दोस्रो दिन शुक्रवार अलआउट भएको हो ।
३ विकेट गुमाएर १ सय ४५ रनबाट दोस्रो दिनको खेल थालेको पाकिस्तान दक्षिण अफ्रिकी बलरसामु टिक्न सकेनन् । पाकिस्तानका फाहिम आश्रफले अविजित रहदै सर्वाधिक ७८ रन बनाए ।
यस्तै कप्तान बाबर आजमले ७७ रन जोड्दा फावद आलमले ४५ रन बनाए । मोहमद रिजवान १८ रनमा औअत हुँदा इमरान बुटले १५ रन बनाए ।
दक्षिण अफ्रीकाका एन्रिच नोर्कियाले ५ विकेट लिए । केशव महाराजले ३ विकेट लिए ।
दुई टेस्टको सिरिजमा पाकिस्तान १-० ले अघि रहेको छ ।
- एजेन्सी
