काठमाडौं । प्रधानमन्त्री केपी शर्मा ओलीले बिहीवार प्रचण्ड-नेपाल पक्षको आन्दोलनको क्षतिलाई सरकारले भरपाई गर्ने प्रतिवद्धता व्यक्त गरेका छन् । राजधानिमा आयोजित नेकपा ओली पक्षको बृहत जनसभालाई सम्बोधन गर्दै त्यस्तो बताएका छन् ।
“आन्दोलनमा जुन क्षती भएको छ । त्यो क्षतिपूर्ती सरकारले दिन्छ । गरिबको नोक्सान भएको कुरा सरकारले दिन्छ । ट्याक्सी इन्सुरेन्स भएको भए दिन्छ नत्र हामी इन्सोरेन्स कम्पनीलाई दिन लगाउँछौ ।” प्रधानमन्त्री ओलीले भने ।
त्यस्तै प्रचण्ड-नेपाल पक्षले मांसाहारी आन्दोलनको घोषणा गरेको भन्दै मांसाहारी आन्दोलन भनेको के हो ? भन्दै प्रश्न गरेका छन् । “मांसाहारी आन्दोलन भनेको के हो ? चिकेन चिल्लि खान्छु भनेको हो ?” प्रधानमन्त्री ओलीले भने ।
कार्यक्रमलाई सम्बोधन गर्दै प्रधानमन्त्री ओलीले आज ओली पक्षले गरेको आन्दोलन नै इतिहासकै ठूलो भएको दाबी गरेका छन् । तर उक्त जनसभामा आउने मानिसहरुलाई रोक्न प्रचण्ड-नेपाल पक्षले बाटोमा खाल्डो बनाइदिएको र बम राखेको टिप्पणी गरे । जसको जस आफूले लिन नसकेको भन्दै विप्लवको नाम लेखिदिएको भन्दै आफूले गरेको कामको जस लिन समेत चेतावनी दिए ।
प्रधानमन्त्री ओलीले भने- “आफूले बम राखेर आफ्नो परिचय दिन नसक्ने । आफूले गरेको कामको जिम्मा लिनुस् न ।”
त्यस्तै शान्तीलाई मन पराउनेहरुलाई सरकारलाई माया गर्ने बताएका छन् ।
यो खबर पढेर तपाईलाई कस्तो महसुस भयो ?
प्रतिक्रिया