काठमाडौं । काठमाडौंमा आयोजित सभालाई सम्बोधन गर्दै नेकपा ओली पक्षका स्थायी समिति सदस्य सत्यनारायण मण्डलले प्रचण्ड–माधव पक्षका नेताहरुलाई पाप पखाल्न पार्टी छाडेर गएको आरोप लगाएका छन् ।
सभालाई सम्बोधन गर्दै नेता मण्डलले देशव्यापी रुपमा नेपाली जनताले कठिन परिस्थितीको सामना गर्नुपरेको भन्दै यस्तो परिस्थिति उत्पन्न हुनुमा पार्टीकै केही नेताहरु कारकका रुपमा रहेको बताए । ‘यो परिस्थिति कसरी उत्पन्न भयो ? हाम्रै पार्टीका केही नेताले गर्दा मुलुकमा जनताले संकट महशुस गर्न थालेका छन्,’ मण्डलले भने,
‘बुद्ध जन्मेको देश हो, बुद्धको ज्योतिले संसारलाई ज्योति दिएको छ । दुइचार जनाले अध्यारो ल्याउन खोजेपनि केही हुदैन । ‘माघके महिनामा कुम्भके नाहनमा आहो बुद्ध जी…’ उनले भने । उनले प्रचण्ड माधव पक्षका नेताहरुलाई पापीहरु र पाप पखाल्न पार्टी छाडेको पनि बताए ‘पापीहरु कुम्भ नुहाउन गएको, कमाएका पुन्य पखाले केही हुनेवाला छैन ।’
