गृहमन्त्री थापाले देखाए देश असाधारण अवस्थामा जानुको तीन कारण

काठमाडौं । नेपाल कम्युनिष्ट पार्टी (नेकपा) सचिवालय सदस्य एवम् गृहमन्त्री रामबहादुर थापा बादलले देश अस्थिरमा जानुको तीन कारण देखाएका छन् ।

नेकपा ओली पक्षले आज काठमाडौं दरबारमार्गस्थित नारायणहिटी दरबार संग्रहालय अगाडि आयोजित जनसभालाई सम्बोधन गर्दै गृहमन्त्री बादलले तीन कारणहरु देखाएका हुन् ।

उनले सभालाई सम्बोधन गर्दै यस्तो असामान्य स्थिती कसरी उत्पन्न भयो भन्ने प्रश्न गर्दै र असाधारण आन्दोलनको शुरुवात भएको बताए ।

“यो असामान्य किन उत्पन्न भयो ? यो परिस्थिती उत्पन्न हुनुको पछाडी तीन कारणहरु रहेका छन् ।” उनले भने, “पार्टीको अध्यक्षलाई अपदस्त गर्ने षडयन्त्र भित्र यो अस्थितरता जोडिएको छ । दुई तिहाईको सरकारलाई हटाउँने कुरामा यो अस्थिरता जोडिएको छ । त्यस्तै सम्माननिय राष्ट्रपति ज्यूको मानमर्दनविरुद्ध यो अस्थिरता जोडिएको छ । यो असाधार आन्दोलन थालनी हुनु अगाडी राजनीतिक नेतृत्वसँग जोडिएको छ ।”

त्यस्तै उनले गृहमन्त्री बादलले जनतालाई आन्दोलित गरेर मात्रै संविधानको रक्षा गर्न सकिने दाबी गरेका छन् । साथै बामपन्थी आन्दोलनलाई थप उचाइमा पुर्याउनको लागि जनतामा जानुपर्नेमा जोड दिएका छन् । “जनतामा गएर बामपन्थी आन्दोलनलाई उचाईमा पुर्याउँछौ ।
जनतामा गएर मात्रै सुद्धिकरण आन्दोललाई पुर्याउन सकिन्छ । आगामी निर्वाचन एक ऐतिहासिक आन्दोलन हो । देशलाई समाजबादको समृद्धीको मार्गमा अगाडी बढाउन सकिन्छ ।” उनले भने ।

त्यस्तै नारायणहिटी दरबार अगाडी भएको जनसभाले गणतन्त्र रक्षा गर्ने सन्देश दिने दाबी गरेका छन् । कतिपयले राजतन्त्र पुनस्थापना गर्नका लागि राजदरबार अगाडी जनसभा गरेको बताएपनि त्यसको ठिक उल्टो भएको टिप्पणी गरेका छन् ।

उनले भने, “नारायणहिटी प्राङगणमा भएको ऐतिहासिक जनसभाले गणतन्त्रणको रक्षा गरिरहेको सन्देश दिएको छ । यो ठिक उल्टो हो । गणतन्त्रको रक्षा गर्न यो जनसभाको आयोजना गरिएको हो । राजतन्त्रको पुनस्थापनाको लागि होइन ।”

प्रचण्ड-नेपाल समूहले मांसाहारी आन्दोलनको कुरा गरिरहेका कारण त्यसलाई वेवास्ता गर्न आग्रह गरेका छन् ।

“उहाँहरुले मांसहारी आन्दोलनको कुरागरिरहनुभएको छ । त्यसबार सचेत रहन आग्रह गर्दछु ।” उनले भने ।

यो खबर पढेर तपाईलाई कस्तो महसुस भयो ?