काठमाडौं । गृहमन्त्री रामबहादुर थापा बादलले मांसहारी आन्दोलन गर्नेहरुलाई जावलाखेलको जू मा लगेर थुन्ने चेतावनी दिएका छन् ।
शुक्रवार ओली पक्षले काठमाडौमा आयोजना गरेको सभालाई सम्बोधन गर्दै गृहमन्त्री थापाले प्रचण्ड माधव पक्षलाई संकेत गर्दै उनीहरुलाई जावलाखेलको जुमा थुनिने चेतावनी दिएका हुन् । ‘मांसहारी आन्दोलन गर्नेहरुलाई जावलाखेलको जुमा थुनिनेछ’गृहमन्त्री थापाको भनाई छ ।
उनले नेतृत्वलाई विस्थापित गर्न खोज्दा मुलुकमा अस्थिरता निम्तिएको पनि बताए । ‘अस्थिरता उत्पन्न हुुनुमा राजनीतिक सत्ता जोडिएको छ । ढिक ढंगले बुझेर मात्रै समाना गर्न सक्छौ ।
मुख्यत राजनीतिक सत्ता र नेतृत्वसँग ३ वटा प्रश्न जोडिएको छ’ थापाले भने, ‘केन्द्रीय प्रश्न प्रधानमन्त्रीसँग जोडिएको हुन्छ, अध्यक्षसँग र राष्ट्रपतिसँग जोडिएको हुन्छ । तीनटै नेतृत्व अपदस्त गर्ने कुरालाई बुझेनौ भने असाधारण स्थितिलाई समाधान गर्न सक्दैनौ ।
पार्टी अध्यक्षलाई अपदस्त गर्ने कुरासँग अस्थिरता जोडिएको छ । दुई तिहाइबहमुतको सरकारलाई विस्तथापित र राष्ट्रपतिको मानमर्दन गर्ने कुरासँग जोडिएको छ ।’
