सुदूर पहाडमा हिमपात

टेक सिँह धामी/ धनगढी । सुदूर पहाडमा हिमपात भएको छ ।
सुदूर प्रदेशका बझाङ, बैतडी, डडेल्धुरा लगायतका जिल्लाका उच्च हिमाली तथा लेकाली भेगमा गएराति हिमपात सहित वर्षा भएको हो।

बैतडीको खोड्पे, श्रीभावर, ढोल्यामोड, अनारखोली, बझाङको बित्थड र डडेल्धुरामा वर्षासँगै हिमपात भएको हो भने बाजुराका उच्च हिमाली भेगमा समेत हिमपात भएको छ।

सुदूरको भुस्वर्ग खप्तड हिँउले छपक्क

सुदूरपश्चिमको प्रमुख पर्यटकीयस्थल तथा भुस्वर्ग मानिने खप्तड क्षेत्रमा पनी हिमपात भएको छ ।
हिमपात भएसँगै आसपासका कुडासैन, झिग्राना, भल्मा, बग्लेक, गोलादेउ लगायतका क्षेत्रमा अत्यधिक चिसो बढेको स्थानीयवासीले जानकारी दिएका छन् ।

हिजो (बिहीवार) राति र आज (शुक्रवार) विहान खप्तड क्षेत्रमा हिमपात सहित वर्षा भएको हो । हिँउ परे सँगै पर्यटकहरुको मात्रा बढ्ने अनुमान गरिएको छ ।
सुदुर पहाडमा हिमपातपछि बढेको चिसोले पहाडी जिल्लामा चिसो बढेपछि जनजीवन केही प्रभावित भएको छ। तर किसानहरु भने हिउँदे बाली सप्रिने भन्दै खुसी भएका छन्।