काठमाडौं । नेपाल कम्युनिष्ट पार्टी (नेकपा) ओली पक्षले काठमाडौंमा गर्न लागेको जनसभाको चहलपहल शुरु भएको छ ।
आजको कार्यक्रमलाई प्रधानमन्त्री केपी शर्मा ओलीेले विशेष सम्बोधन गर्नेछन् ।
त्यस्तै अन्य बक्तहरुमा उपप्रधानमन्त्री ईश्वर पोखरेल, गृहमन्त्री रामबहादुर थापा बादल र सत्यनारायण मण्डल लगायतले सम्बोधन गर्ने कार्यक्रम तय भएको प्रधानमन्त्रीका प्रेस सल्लाहकार सुर्य थापाले जानकारी दिए ।
त्यस्तै शिक्षा, विज्ञान तथा प्रविधिमन्त्री कृष्णगोपाल श्रेष्ठको सभापतित्वमा हुने कार्यक्रममा पार्वती रावलले स्वागत मन्तव्य दिनेछिन् भने पूर्वमन्त्री समेत रहेका नेकपा नेता आनन्द पोखरेलले कार्यक्रम सञ्चालन गर्नेछन् ।
शुक्रवार (आज) बिहानैबाट दरबारमार्गस्थित नारायणहिटी दरबार संग्रहालयमा मञ्च बनाउन बनाइएको थियो । अहिले काठमाडौं उपत्यकाका विभिन्न ठाउँहरुबाट नेता तथा कार्यकर्ता र्यालीसहित कार्यक्रम स्थलतर्फ गइरहेका छन् ।
