जुम्लामा हिमपात, तस्वीरहरु हेर्नुहोस्

काठमाडौं । हाल नेपालमा पश्चिमी न्यून चापीय प्रणालीको प्रभाव रहेको मौसम पूर्वानुमान महाशाखाले जनाएको छ ।
जसको कारण देशैभरी मौसममा बदलाब आएको छ ।

यसैक्रममा शुक्रवार (आज) जुम्लामा हिमपात भएको छ । हुम्लामा हिमपातको कारण जनजीवन प्रभावित बनेको छ ।

त्यस्तै न्यून चापीय प्रणालीको असर काठमाडौं उपत्यकामा पनि पर्ने महाशाखाले जनाएको छ । त्यस्तै महाशाखाका अनुसार उपत्यकामा दिउँसोदेखि साँझसम्म वर्षा हुने सम्भावना रहेको छ ।

त्यस्तै आज काठमाडौं उपत्यकाको तापक्रमसमेत घटेको छ । बिहान ५ डिग्री रहेको तापक्रम घाम लागेपछि घटेर ३।५ डिग्री सेल्सियससम्म घटेको महाशाखाले जनाएको छ ।

देशका विभिन्न ठाउँमा वर्षा भएको छ । पछिल्लो २४ घण्टामा डडेलधुरामा सबैभन्दा बढी ९.७ मिलिमिटर वर्षा भएको छ । त्यस्तै दिपायलमा ८, वीरेन्द्रनगरमा २.७, नेपालगञ्जमा ३.८, जुम्लामा ८.३, घोराहीमा ०.३, पोखरामा ०.२ डिग्री सेल्सियस वर्षा भएको छ ।

महाशाखाका अनुसार बिहान सबैभन्दा कम जुम्लामा ०.५, डडेलधुरामा २ डिग्री सेल्सियस तथा नेपालगञ्जमा १३.६ डिग्री सेल्सियस तापक्रम रहेको छ ।

तस्वीरमा हेर्नुहोस् हुम्लाको हिमपात

 

तस्वीर : महेन्द्र कार्कीको फेसबुकवालबाट