काठमाडौं । नेपाल कम्युनिष्ट पार्टी (नेकपा) ओली पक्षले आज (शुक्रवार) काठमाडौंको दरबारमार्गस्थित नारायणहिटी दरबार संग्रहालय अगाडि जनसभा गर्दैछ ।
देशभरबाट ठूलो संख्यामा नेता कार्यकर्ताको उपस्थित गराउने उदेश्यले नारायणहिटी दरबार संग्रहालयको दक्षिणपट्टि सडकमा मञ्च बनाइएको छ । बाहिरी जिल्लाबाट ओली पक्षीय नेता कार्यकर्ताको भेला हुन थालिसकेको छ ।
जनसभाको पूर्व सन्ध्यामा ओली पक्षीय नेकपाले काठमाडौं उपत्यकाका विभिन्न १३ स्थानबाट विशाल जुलुससहित नारायणहिटी दरबार संग्रहालय अगाडी जनसभा गर्न लागेको हो ।
आज देशभरबाट करिब ३ लाख मानिसहरु आयोजित सभामा सहभागी हुन लागेको ओली पक्षका नेताहरुको दाबी छ । जनसभालाई मध्येनजर गर्दै उक्त क्षेत्रमा बाक्लो संख्यामा सुरक्षाकर्मी परिचालन गरिएको छ । ट्राफिक प्रहरीका अनुसार जुलुस निकालिने रुटसहित दरबारमार्ग हुँदै आवतजावत गर्ने सवारी आवागमनलाई अन्य बाटो हुँदै डाइभर्सन गरिएको छ । आजको जनसभालाई प्रधानमन्त्री ओलीले सम्बोधन गर्नेछन् । यसअघि बिहीवार किसान महासंघको कार्यक्रमलाई सम्बोधन गर्दै ओलीले आफूले विशेष सम्बोधन गर्ने बताउँदै सबैलाई उपस्थितीको लागि निम्तो दिएका थिए । यसैबीच प्रतिनिधि सभा विघटनको विरोधमा प्रचण्ड(नेपाल पक्षले लगातार प्रदर्शन गरिरहेको छ । यसैक्रममा हिजो (बिहीवार) सो पक्षले देशभर आमहड्ताल आह्वान गरेको थियो भने आज (शुक्रवार) बिहान पत्रकार सम्मेलन गरि कार्यकमको समिक्षा गरेको छ ।
तस्वीरहरु हेर्नुहोस्
