काठमाडौं । दाहाल-नेपाल समूहको नेकपाका अध्यक्ष माधवकुमार नेपालले केपी अहिलेको अवस्थालाई नेकपाको आन्तरिक विवादका रुपमा मात्र नबुझ्न आग्रह गरेका छन् । अहिले ललितपुर जारी पत्रकार सम्मेलनमा बोल्दै अध्यक्ष नेपालले पार्टीमात्र नभइ ओलीले देश नै कब्जा गर्न लागेको जिकिर गरेका हुन् ।
“केपीले पार्टी त कब्जा गरे गरे । देश नै कब्जा गर्न लागे। यो नेकपाको मात्र आन्तरिक मामिला हैन,” पत्रकारहरुसँग नेपालले भने, “लोकतन्त्र र संविधानको रक्षाको लागि हामी जिल्ला जिल्लामा पुग्यौं । अब यो हाम्रो मात्र मामिला रहेन ।”
सडकमा आर्मीका गाडी गुडाएर जनता तर्साउन खोजेको आरोप लगाउँदै उनले यस्ता कदमबाट कोही नतर्सने भन्दै आन्दोलनबाट नागरिकमा परेको पीडाप्रति माफी मागेका छन् । “आमहड्तालले कतिपयलाई धेरै पीडा दिएको छ । मजदुर, बिरामी र दैनिक ज्यालादारी गर्नेसमुदायका मानिसलाई समस्या भयो । विद्यार्थीहरुको जाँज भएकोले पनि कष्टपूर्ण भएको छ। हामी यसरी पीडा भोग्नु परेका नागरिकहरुसँग क्षमा माग्न चाहन्छौँ,” नेपालले भने ।
यो खबर पढेर तपाईलाई कस्तो महसुस भयो ?
प्रतिक्रिया