काठमाडौँ– दाङको तुलसीपुर उपमहानगरपालिका ६ का १८ बर्षीय सबिन बिकमाथि आक्रमण भएको छ ।
गोरखा बोर्डिङ स्कूल नजिकै बिहीवार मध्यान्ह बिकमाथि आक्रमण भएको हो । उनको टाउकोमा चोट लागेको प्रहरीले जनाएको छ ।
इलाका प्रहरी कार्यालय तुलसीपुरका प्रमुख डिएसपी शिबबहादुर सिंहका अनुसार तुलसीपुर ६ गुल्मचोक निवासी १९ बर्षीय कुमार पुनले उनलाई पछाडिबाट टाउकोमा ढुँगाले आक्रमण गरेका थिए । पुरानो रिसिबीका कारण पुनले पछाडिबाट आएर बिकमाथि ढुँगाले टाउकोमा प्रहार गरि घाइते तुल्याएको डिएसपी सिंहले बताए । घाइतेको तुलसीपुरमा उपचार भइरहेको प्रहरीले बताएको छ ।
पछिल्लो समय तुलसीपुरमा धारिलो हतियार प्रहार गरेर थुप्रै घटना भएका छन् ।
