काठमाडौं । अर्थमन्त्री विष्णु पौडेलले बीमा क्षेत्रमा भएका समस्या समाधान गर्न खरो रुपमा उत्रन बीमा समितिका नवनियुक्त अध्यक्ष सूर्यप्रसाद सिलवालाई निर्देशन दिएका छन् ।
अर्थमन्त्री पौडेलले आफ्नो कार्यकाल बीमा क्षेत्रका लागि कोसेढुङ्गा सावित गर्न निर्देेशन दिएका हुन् । साथै बीमा क्षेत्रका समस्या समाधान गर्न अर्थ मन्त्रालयले सहयोग, सहजीकरण र समन्वय गर्ने विश्वास अर्थमन्त्री पौडेलले बताएका छन् । बिहीवार अर्थमन्त्रालयमा आयोजित बीमा समितिका अध्यक्षको सपथ ग्रहण कार्यक्रममा बोल्दै अर्थमन्त्री पौडेलले यस्तो बताएका हुन् ।
सपथ लिएसँगै समितिका नवनियुक्त अध्यक्ष सुर्य प्रसाद सिलवालले आँफुले फास्ट ट्रयाकमा काम गर्ने बताएका छन् । सोमवार बसेको मन्त्रिपरिषदको बैठकले सिलवाललाई समितिको अध्यक्षमा नियुक्ति गरेको थियो । त्यस्तै,अध्यक्ष सिलवालले बीमा क्षेत्रको सुधारका लागि खरो रुपमा उत्रने समेत बताएका छन् ।
उनले तत्काल देखा परेका समस्या समाधान गर्दै नीतिगत क्षेत्रमा प्रवेश गर्ने बताएका छन् । अध्यक्ष सिलवाललाई अर्थसचिव शिशिर ढुंगानाले पद तथा गोपनियताको सपथ खुवाएका थिए । समितिको अध्यक्षको रुपमा नियुक्ति भएसँगै बीमा क्षेत्रको राम्रो ज्ञान नभएको भन्दै असन्तुष्टी समेत पोखिएका छन् ।
