काठमाडौं । नेपाल कम्युनिष्ट पार्टी (नेकपा) प्रचण्ड-नेपाल समूहले गरेको आमहड्ताल ५ बजेबाट अन्त्य हुने भएको छ ।
प्रचण्ड नेपाल पक्षको संघर्ष समितिका सदस्य समेत रहेका सो पार्टीका केन्द्रीय सदस्य विष्णु रिजालले पार्टीको फेसबुकमार्फत बिहीवार ५ बजेपछि आमहड्ताल अन्त्य हुने बताए ।
संसद विघटनका विरुद्ध प्रदर्शन गरिरहेको प्रचण्ड – नेपाल पक्षले आज देशभर आमहड्ताल गर्ने निर्णय गरेको थियो ।
बन्दको असरस्वरुप देशभर विरोध प्रदर्शनहरु भएका थिए । कतिपय ठाउँहरुमा भने प्रहरी र प्रदर्शनकारीबीच झडप र सवारीसाधनमा आगजनी समेत भएका छन् ।
