३० श्रावण २०७९, सोमवार

डेंगुका बिरामी बढ्दै जाँदा स्थानीय भयभित

२०७४,आश्विन,१८,बुधबार ०५:२६

9
Shares

गौशाला, १८ असोज ।महोत्तरी जिल्लाको बर्दिवासमा मात्र दुई दिनअघि देखापरेको डेंगु रोगका बिरामीको संख्या क्रमिक रुपमा बढ्दै जाँदा स्थानीय भयभित भएका छन् ।सोमबार मात्र पाँचजनामा देखा परेको डेंगु रोग अहिले क्रमिक रुपमा ३९ जनामा फैलिसकेको हुँदा बर्दिवासका बासिन्दामा सो रोगको त्रास देखिएको छ ।मंगलबारसम्म बर्दिवास अस्पतालमा र स्थानीय निजी क्लिनिकमा परीक्षणका लागि आएका ३९ जनामा डेंगु रोग देखिएपछि सो क्षेत्रमा बसोवास गर्ने स्थानीय सो रोगबाट भयभित भएका छन् ।यता जिल्ला स्वास्थ्य कार्यालय महोत्तरीका प्रमुख डा नागेन्द्र यादवले बर्दिवासका स्थानीय बासिन्दामा मात्रै २६ जनामा डेंगु रोग देखिएको र बाँकी १३ जना धनुषा र सिन्धुलीका बासिन्दा रहेको बताउनुहुँदै सो रोग देखिएपछि त्यस क्षेत्रमा मंगलबारदेखि नै स्वास्थ्य टोली खटाएर रोग नियन्त्रण तथा उपचारको कार्यक्रम सञ्चालन गरिसकेको बताए ।डा यादवले सो रोग देखिएका सबैलाई काठमाडौँको टेकुस्थित इपिडिमियोलोजी तथा रोग नियन्त्रण महाशाखामा उपचारका लागि जान समेत भनिसकिएको र त्यस क्षेत्रमा सो रोग फैलिन नदिनका लागि तुरुन्तै स्थानीय बासिन्दा, नगरपालिका प्रमुख तथा सरोकारवालासँग आपत्कालीन बैठक गरेर औषधि छर्कने, बिरामीलाई उपचारका लागि काठमाडौँ पठाउने तथा त्यस रोगविरुद्ध जनचेतनामूलक कार्यक्रम अघि सारिएको बताए ।स्वास्थ्यमन्त्री गिरिराजमणि पोखरेलसमेत महोत्तरीको बर्दिवास क्षेत्रकै निर्वाचित प्रतिनिधि हुनाले उहाँको समेत निर्देशनमा बर्दिवासमा डेंगु रोगविरुद्ध विशेष कार्यक्रम तुरुन्त सञ्चालन गरिएको स्थानीय बताउँछन् ।तर पनि मात्रै दुई/तीन दिनको अवधिमा ३९ जनामा सो रोग देखिएपछि स्थानीय अझै त्रासमा रहेका छन् । 

प्रकाशित मिति: २०७४,आश्विन,१८,बुधबार ०५:२६

प्रतिक्रिया दिनुहोस !
सम्बन्धित खबरहरु

धनगढी । असार ४ गते धनगढी पुगेका प्रधानमन्त्री शेरबहादुर देउवाले प्रस्तावित गेटा मेडिकल कलेजलाई स्वास्थ्य बिज्ञान प्रतिष्ठान बनाउने घोषणा गरे ।

मुगु । मुगुमा पाँच वर्षपछि फरार अधियुक्त पक्राउ परेका छन् । बहुविवाह मुद्दामा ११ महिना १८ दिन र १० हजार

नुवाकोट । बन्चरेडाँडामा फोहोर बोकेका गाडी तोडफोड गरेको आरोपमा ६ जनाविरुद्ध उजुरी परेको छ । जिल्ला प्रहरी कार्यालय नुवाकोटका प्रहरी

काठमाडौं । सर्वोच्च अदालतले चलचित्र विकास बोर्ड अध्यक्षमा भुवन केसीलाई नियुक्त गर्ने सरकारको निर्णयको सक्कल फाइल मागेको छ । नरेशकुमार

ताजा समाचार

गेटाकाे विषयमा सरकार किन मौन ?
 २०७९,श्रावण,३०,सोमवार २१:४५
मापदण्ड तयार गर्दै सिट बाँडफाँट कार्यदल
 २०७९,श्रावण,३०,सोमवार २१:२९