काठमाडौं । संसद विघटनविरुद्ध प्रदर्शन गरिरहेको नेपाल कम्युनिष्ट पार्टी (नेकपा) प्रचण्ड(नेपाल पक्षले आज देशभर आमहड्ताल गरेको छ ।
संसद विघटन गर्ने प्रधानमन्त्री केपि शर्मा ओलीको कदमकाविरुद्ध आयोजित आमहड्ताल सफल पार्न आह्वान गर्दै बिहीवार बिहानदेखि काठमाडौंको बागबजार, भोटाहिटी, जमल, रत्नपार्क क्षेत्रमा जुलुस जुलुस तथा प्रदर्शन भएका छन् ।
नेकपा प्रवक्ता एवम् आन्दोलन परिचालन समितिका संयोजक नारायणकाजी श्रेष्ठले बिहानैदेखि ती जुलुसहरुको नेतृत्व गरिरहेका छन् । यस क्षेत्रको प्रदर्शनमा अनेरास्ववियू र मजदुरको टोली खटिएको छ । टोलीमा अनेरास्ववियूका सहसंयोजक रञ्जित तामाङ , मजदुर नेता जगत सिंखडा , विद्यार्थी नेता सुरेन्द्र बस्नेत , पञ्चा सिंह , दिपेश पुन , इन्द्र भुषाल , आरती लामा , पवन कार्की लगायतको सहभागिता रहेको छ ।
बिहानै नाराजुलुस गर्ने अनेरास्ववियूका अनेरास्ववियूका पुर्व अध्यक्ष रमेश मल्ल , तिलकराज भण्डारी , रविनजंग बस्नेत , सपिम खरेल सहितको टोलीलाई प्रहरीले पक्राउ गरेको छ ।
बन्दका कारण राजधानीमा सार्वजनिक सवारीसाधन छिटपुट रुपमा मात्रै चलेका छन् ।
प्रदर्शनका क्रममा ‘राज्यको ढिकुटी रित्याउन पाइंदैन , सरकारी पञ्चर्याली चाहिँदैन’ , ‘असंवैधानिक कदम खारेज गर’ , ‘असंवैधानिक नियुक्ति खारेज गर’ जस्ता नारा लगाएका थिए ।
राजधानी उपत्यकामा बन्दको प्रभाव खासै नपरेको प्रहरीले जनाएको छ । प्रहरीका अनुसार केही जुलुस भएको स्थानमा सवारी साधनलाई डाइभर्ट गरेर वैकल्पिक बाटो प्रयोग गर्न सुझाइएपनि खासै अवरोध नरहेको जनाएको छ।
फोटोहरु हेर्नुहोस्
यो खबर पढेर तपाईलाई कस्तो महसुस भयो ?
प्रतिक्रिया