काठमाडौं । नेपाली बजारमा बिहीवार (आज) सुनचाँदीको मूल्यमा गिरावट आएको छ ।
बुधवार प्रतितोला छापावाला सुनको मूल्य ९२ हजार रहेको थियो । आज छापावाला सुनको मूल्य तोलामा ९ सयले गिरावट आइ ९१ हजार १ सय कायम भइ कारोबार भइरहेको नेपाल सुनचाँदी व्यवसायी महासंघले जनाएको छ । त्यस्तै आज तेजावी सुनको मूल्य ९० हजार ६ सय रहेको छ ।
त्यस्तै आज चाँदीको मूल्य प्रतितोला २० रुपैयाँले गिरावट आएको छ । बुधवार प्रतितोला चाँदी १३ सय २० रहेको थियो । आज प्रतितोला चाँदी मूल्य १३ सय कायम भइ कारोबार भइरहेको महासंघले जनाएको छ ।
